今日係13號既黑色星期五,

代表住雙重不幸,

亦紀錄着Ryo所受到既失敗與打擊"

今日係24小時不眠狀態下返學,

不幸亦隨之而來...

中文統測我竟然係拔尖班尾二,

28分既成績係意料之外,

而最估唔到既係...

啲攞到三十分以上既人都係我面前喊,

佢地唔開心係因為唔滿意成績,

咁我呢?!

有冇人諗過我既感受?

上年我都係中國語文第一,

我同戴淑敏一樣係139分,

點解大家只係安慰嗰啲成績比我好既人?

因為我根本不值得關心?

因為我唔識得喊?

因為我上年唔係讀1E,所以連老師都唔會理我?

種種既因素...

種種既理由...

大家只係將焦點放係佢地身上,

而我就好似一件冇用既廢物...

點解冇人理過我既感受?

我比任何一個人都跌得更傷,

我比任何一個人都更需要安慰,

如果高分過我既都要喊,

咁呢一刻我應該去自殺!

一個統測佔成績表20%

嗰幾分送俾我都唔希罕,

我唔會容許失敗既字眼出現係我身上,

今次中文Exam我一定會努力 <- 但係你會溫書咩...?

跟住放學打完排球走去7仔先恐怖,

我買自由斟飲,

點知斟到差唔多滿既時候,

有一隻昆蟲屍體斟埋出黎,

完全係嘔囉我想講!

之前吳芷瑋同我講自由斟勁唔合衛生我都唔信,

依家我終於信喇~

真係好核突呀= ="

以後我都唔會飲自由斟囉,

極度危害我身體健康~

[10月13號既黑色星期五帶俾我難忘回憶]]