今日我同我一個小學同學傾msn....

  第1次同佢傾咁多野....

  發覺原來佢都有感性嘅一面...

  第1次真正咁認識佢...

  雖然佢係男仔...

  但佢都好坦白咁同我講佢D野...

  佢下年轉校...

  希望佢可以忘記灑以前唔開心果D野啦...

  佢真係好慘...(雖然唔算得上好嚴重....只係關於感情事)

  但係我又可以點幫佢呢...

  朋友間要互相支持....

  我一定會sup佢嘅...

     今日晏晝去咗超級豪華會所{君頤峰}度錄音....

  本身仲以為好快搞掂...

  點知要錄到成8點幾先走得....

  勁攰呀!!鼓唔到錄一隻歌要ng咁多次先得,....

  我終於體會到做歌手果種辛苦....

  所以其實我地應該要支持正版CD....

  BUT...係講下好啦....跟本就做唔到....

  可能係經濟嘅問題啦,,,

  仲之我大個咗....

  搵到錢....就一定會買返正版.....

          琴日夜晚呀董打俾我...

 話想同我傾計...話佢有d心事喎...

 但係我果陣又唔得閒...所以冇同佢傾....

 我真係有D擔心佢呀!!聽佢把聲又好似好嚴重同好唔開心咁....

希望佢冇事啦....

         今日考完試之後...

 我,Joanne,Jolly,Tracy,Samantha同呀Rachel  6個人一齊去睇戲...

點知去到就見到一條長龍出現...真係超長呀....好多人排隊睇戲....

我咁大個女都係第1次見到呢D場面炸....

      跟住我地唔睇戲...去咗KFC度食野...KFC又多人喎....

算,...排隊....排咗超耐先有得食....好彩我唔係好肚姐....

如果唔係真係餓死呀!!!

       食完野...戲院依然都係咁多人...

我地就去咗影貼紙相...影咗2次...中途發生咗D野...好煩....

仲見我呀媽添....原本佢又黎睇戲...睇2:30...(神奇4俠)

佢又買到飛喎....真係好彩.....我同D  FD影完相就自己返屋企.....

跟住就開機玩電腦,睇換換愛.....

大約到4,5點佢地返黎....我就關機同呀妹玩....好煩...

最慘係睇唔到戲....本來諗住睇<<戲王之王>>....

而家咩都冇....淨係影咗2張死人爛鬼貼紙相...又影得唔好喎....

唉....不過今日都OK開心嘅...

         聽日考中史啦....死啦...溫咗一陣就冇心機溫啦....

 好驚呀....希望聽日應付到啦....

         考試考成2個禮拜....考死人咩....到星期四先考完呀!!

琴日阿Miss Wong 同Mr.Law放學之後鬧我地...

我覺得佢地話得好岩....我地真係識睇人面色....

我地由第二個學期開始,就開始懶散....

咁樣唔止影響我地嘅學業...仲影響埋老師對我地嘅期望....

真係好慚愧呀!!我覺得我地真係做錯咗好多....灑咗老師一番嘅心機....

老師真係好錫我地同為我地付出咗好多....

真係好對唔住一班教過我地呢班嘅老師....我覺得最對唔住莫sir....

我地係佢嘅堂度真係好唔乖....又嘈....真係好似從來都冇尊重過佢咁....

但我知其實佢係好錫我地架...而我地就咁對佢....

真係好後悔呀!!

---------------------------------------

由於今日我地良心發現....上數學堂果陣好明顯係比平時乖咗好多.....

而我覺得今日都係莫sir教得最開心嘅一堂.....

我地身為精英班....但我地嘅行為品行仲好似差過其他班咁....

咁我地仲算咩精英班呀....係呢度...真係令我反思咗好多....

我希望到F.2我地可以做得更好....

--------------------------------------------

         今日知道咗一樣野....原本呀羅SIR係咁勁架.....

佢原來係教院一級榮譽畢業生黎架....即係大學攞第一名先有架炸.....

超勁呀....真係人不可貌相呀!!佢做我地F.1嘅班主任真係好令我地驕傲呀!!

Mr.Law人品好,讀書又勁,又後生.....個樣都唔錯,....真係一個超好人呀!!

一定有好多女仔鐘意佢.....

我真係好想F.2佢再教我地架....不過可能機會好微....真係好唔捨得佢同Miss Wong呀!!

今日係最後一個F.1嘅上課天....

以後嘅路佢地可能唔會成日係我地嘅身邊....

但係我相信佢地一定會祝福我地....

我係呢度講一句:羅德永老師&黃維詩老師,我地1C永遠愛你地!!

今日放學之後,嘉紅幫我地補數.

死啦....就黎exam啦...我d數學仲咁差...

點算呀....我係呢方面都幾善忘下...

呢頭學完...果頭就唔記得架啦...

唉...我真係一個數學蠢才呀....

我一定要係呢個學期打入10名之內...

如果真係唔得嘅話....總之一定唔可以衰過上次....

------------------------------------

呀鄧同我講...話佢前幾個禮拜因為唔返屋企...

跟住佢呀媽報警....佢就入咗女童院....到呢幾日先放返出黎/....

真係鼓唔到佢會咁....

之前佢食煙呀...群埋d黑社會d人仲唔夠/....

仲要加多單....自從入咗李求恩之後就變壞咗...

我真係唔想睇到我個fd會搞成咁呀.....

但我又可以幫到佢d咩呀.....