今日,原本我應該10點幾先起身，但可惡既表妹8點幾就黎個"追魂call"

令我訓唔夠，跟住重要每10分鐘就打黎話﹕喂，唔該搵我細妹呀?

如果佢唔係我表妹既話，我一早就罵到佢唔夠膽再打黎

中午個陣，出左香港補習，番到長洲都已經6點幾．．．

我忘記左4點~5點要去補習數學，下堂都唔知點解釋好

番到長洲，袋都味放好就直接去食飯，去x奶佬，個到又冇位

去到此一遊，個到又冇開．．．最後我地都係去左向日葵餐廳食晚飯(真係有點兒無奈)

番到黎就寫埋篇日誌然後開始玩線上遊戲啦

待續．．．

琴晚成2點先訓，今朝竟然可以6點半就起到身(奇蹟呀)

我咁早起身，當然係有原因嫁啦，

我以為長洲都有得睇日蝕...點知，一場歡喜一場空，

原來只係得中國內地同石澳先有得知

 好慘呀，我番到屋企先知到原來呀爸呀媽冇放低錢買早餐，

足足餓左成個上午，冇陰公呀！

好采，比我搵哂成間屋，有一包丁丁面，可以有個好味既午餐（肚餓咩都好食）

我今日搵人幫我整左個音樂播放器，如果有人聽到藍藍路洗腦電波而唔鐘意既話，請轉第２隻歌（多謝陳梓峰幫我整）

我今日好想去游水嫁，但呀爸臨時要出坪洲番工，累到我冇得游水

依家呀爸要開ＯＴ，呀媽又要開ＯＴ，得番我同我細妹咋，悶死
 

待續．．．

今日無無聊聊咁係屋企訓左１個上午，今日睇番豆腐個個廣告，回想起以前比賽曾經用過呢個名黎比賽，重要比人笑Ｔ．Ｔ

下午４點，就係我暑假第１日去補數學。我以為係４∼５個人一班．．．點知原來係１對１．．．無奈。

好采，呀媽番放工黎個陣買左ｄ我最鐘意既鞋帶糖同石頭朱古力比我，我先開心番咋。

如果可以的話，我希望我可以張呢ｄ零食分享比我ｄ朋友，等佢地都會咁開心ＸＤ
 

待續．．．

今日新開呢個日誌，我見到我fd都有寫。

我今日唔知係咪潮得濟，煮媽咪面食，

下午好想去打波，但最後都冇去到，因為我想睇埋套動畫先
(花右京女僕隊)當中有不少小朋友禁睇既鏡頭,請各位大哥大姐注意!

夜晚個餐食好少野,因為我有得食螺XD食完就開呢個日誌寫
 

待續．．．