金日上個論壇睇野..........睇到呢篇等待的感覺

當你等待緊鍾意既人,你會有咩感覺!?
等到果陣又有咩感覺!??

鍾意一個人果陣....即使等幾耐...都會死心不熄咁等落去...
永遠都覺得一定會等到!！

雖然有時會想放棄...但係偏偏心口不一....放棄唔到...
等到果陣,就會滿心歡喜...有種用紙筆無法形容既喜悅!!
係icq等一個人...睇見佢on緊line或者終於等到果陣....
自己又好矛盾...唔知道搵唔搵佢好...
驚阻住佢...又驚佢嫌自己麻煩...
諗左一大論........結果自己都係忍唔住手hi佢...
又或者等到佢電話果陣...就好開心咁撲過去電話到...
但係又扮晒毫不在乎咁...過左一陣先聽...

鍾意一個人好容易會因為佢而開心;但係又唔會想俾佢知道.....永遠都好唔知點咁既感覺....

不過,當你同鍾意既人拍拖果陣...等待既感覺係痛的....心係酸的...
有時候.....等待既感覺...仲會令人不知不覺間哭泣起來...................

但係等到果陣時......開心都黎唔切....自己會不斷偷笑...
當你見唔到佢,個心好掛住好掛住佢,但係又唔會俾佢知道...
當你終於可以見到佢,仲會埋怨佢要自己等咁耐...
其實,心入面係幾咁想佢知...幾咁想飛去攬住怇...
而且,想對方講俾自己聽...同樣咁掛住自己!!
係icq會第一時間搵對方~除非自己唔開心...
有時,唔開心會想對方搵自己先,關心下自己!!
好想對方安慰自己,哄下自己...俾自己爹一陣!!

愛一個人....最想既係,見到對方既臉;聽到對方既聲音;知道對方做緊咩....
等待既感覺有時真係好痛苦...
但係可以搵到一個你認為值得等既人係幾咁難,
既然咁困難,就更加要珍惜,點可以咁容易放棄!?
當你懂得祝福他,就是證明你愛他的時候;
當你懂得祝福他,亦是你人生最開心的時候

呢篇野有d講中左我既心聲....................