今日一早起身便連同媽媽..我..香姨...孫生過左澳門玩..都係第一次去....今日又勁多人...等過關等到勁耐..勁無耐..等呀等..終於來到澳門,感覺好似返左大陸咁,冇咩特別..因為大家都係第一次黎..完全唔識路..都唔知自己係邊.....我地見有去賭場既車咪上左去...去左金莎玩...嘩勁多人...人山人海..我都唔執輸玩大細...真係好刺激..最緊張係d人開six仔果一刻..win左真係好有成功咁..唔怪得咁多人玩..但係真係小賭好啦..我見到好多c奶..阿叔賭到人都傻下傻下..有d又真係好豪..當d$好似唔係$咁..大踏$落注..我睇住佢地d$幾分鍾冇左..真係倒$落海..咁你地估下我win定輸..等我開估啦..我同大細激戰左數個回合之後..我係輸左300蚊..好激氣唔玩啦..我朋友香姨佢都輸左600蚊...之後大家決定去食野..之後大定坐車到另一間賭場威尼斯人賭場参觀..一樣多人到爆..間賭場好新..裝飾好令..我地冇賭..之後係賭場d食肆食野..仆街貴到呀..你唔好去搶..一隻燒乳鴒成120蚊..油菜60蚊...燒味飯88蚊..最後我地決定食雲吞面..4碗雲吞面連加1服務費,埋單計220蚊...我都未食個咁貴既雲吞面..又唔係話好食.食飽後..我地打算去下大3吧睇下野...影下相..同買手信..點知落9屎..唔去得..只好係賭場上層既咀香園買手信..順便係附近影下相..之後搭返車去碼頭坐船返香港..