<一>校花根本就唔係校花﹗
我係K鎮一間大學就讀既學生。學校既格局同一般大學一樣，該有既設施都會有，所以我就唔詳細介紹。
件事係發生響夏天既某個晚上。
K鎮附近有一座後山，D大人成日響我地仲係細路仔既時候就已經警告我地入黑後絕不可靠近後山，年少無知既我地當然會聽大人既說話。
然而隨著科技日漸先進(關科技撚事)，當年既野屁孩都已經做左麻甩仔，因此有日既夜晚，我同幾條同學仔響居酒屋食完晚餐後，突然有位同學提議去後山玩。
在場除左兩個女仔外就只有我一個係男人，我當然立即舉腳同意，而提議既同學亦即係我老死森仔就去攞車。
當我地正要上森仔架車時，我地見到一個既靚既身影從車既前面經過。
果個係我地學校既校花。
因為K市大學男少女多既關係，血氣方剛既男仔當然會對女仔評頭論足，睇下邊條女有波路，邊條女係長平公主等等。
其中，同我同系既雷星怡就係全校公認既校花。
雷星怡既五官非常標緻，雖然唔係大波妹，不過都唔算細，瘦底既身材就同佢十分相襯，及肩既烏黑直髮更能突出佢天生秀麗既氣質。
而她既性格平易近人，好受女仔歡迎，同時身上既秀麗氣質又令男生直覺佢似係高嶺上既花，雖可遠觀卻難以接觸。
雷星怡見到我們，於是就走過來向我們Say個Hi。
我們之中果兩條女，小貓同奈美因為都同雷星怡熟，佢地就同雷星兒吹左幾句水，仲爆左我地一陣去後山。
「你地去後山做咩？」雷星怡一聽到我地要去後山，原本既微笑就消失，取而代之係一個困惑既表情。
森仔露出一副好串既狠樣啤著雷星怡︰「你估我地仲細咩，以前係細路就話唔入得，而家我地大個左咪入得囉。」
順帶一提，森仔之所以無俾校花吸引係因為森仔本身係個GAY，記得某次我響宿舍間房見到運動場上既校花跑緊步，當我俾佢果對充滿夢想既美好事物吸引視線時，同我同一間房既森仔突然唔著衫從浴室走出泥並向我提問「我對胸比雷星怡大，係咪？」，搞到我每晚都提心吊膽，以防俾佢爆我菊花。直到森仔搵到佢既真命天子時，我先鬆一口氣。
雷星怡皺起眉頭︰「即使係大人都唔會夜晚去後山架，我勸你們都係朝早先去啦﹗」
森仔同雷星怡互望左一眼，森仔嘆一嘆氣︰「咁我們第日先去囉。」
聽見森仔突然屈服，我同其他兩條女都鬆一口氣，而雷星怡亦都變返美麗既微笑。
「Iris，不如你同我們一起去？」小貓問雷星怡。
Iris係雷星怡既英文名，平時D女仔都係叫佢英文名，係得班毒男同兵仔先會恭敬叫佢全名或叫佢校花。啊，身為Gay既森仔私下稱她「妲己」，意味雷星怡收兵。
雷星怡望左我同森仔一眼，問︰「可以？」
我點點頭，森仔雖然嫌惡啤左我一眼，但就話︰「可以，快上車啦。」
哈，似乎係群眾壓力令森仔就範。
我們決定唔去後山而去K市既海灘吹吹風，上車後我們就無無聊聊咁吹水。
由市中心去海灘也需要一段時間，而中間是會經過一條隧道。
在此先說明一下，K市因為地理環境既關係，K市既地下水道非常複雜，結構圖勁似一個玻璃球中間畫左錯綜複雜圖文既魔法陣，因此成日俾人以為K市有結界。不過K市的確有1多都市傳聞，我們即將經過既隧道就係其中一個傳聞中既猛鬼地。
當架車入左隧道後，本來好鬼嘈既我地突然靜曬，因為成條隧道只得我地。
我心諗︰快D走啦屌。
架車去到隧道中間時，森仔突然黑口黑面，淆曬底咁望左倒後鏡一眼︰「屌，唔撚係呀？」
「What the fuck,man?」我脫口而出。
「咪嘈啦，捉實呀。」森仔黑曬面，架車亦都加速。
後面既小貓､校花同奈美都抓實座位上方既把手，而我就抓實我個位。
小貓轉頭望向車既後方，突然，佢大叫一聲，眼淚鼻水都嚇得噴出來。
我正要擰轉頭睇下咩事既時候，森仔吼道︰「咪撚擰轉頭呀，屌﹗」
俾他既把聲嚇一嚇，我故作鎮定咁倒了一杯水放響森仔面前，指著那杯水說︰「一滴都唔可以瀉出來呀，唔係我打死你架。」
以前他飆車時，只要我咁樣做，他就會小心駕駛，但今次無用。
我望望倒後鏡。
Fuck
成個隧道佈滿左白色既BB仔﹗
果堆BB仔正以AE86既速度爬向我們，而且逐漸迫近，可怕既係BB仔既數量有增無減，幾乎要擠滿仍條隧道。
「快﹗」我大叫。
「屌你，叫左你咪撚望架啦﹗」森仔著曬火，架車亦愈來愈快。
但後面堆AE86竟然加速啦﹗
「屌﹗﹗」「Son of the bitch﹗快D呀﹗」
當我同森仔起勢爆粗時，一把天藾之音從後方傳來︰「森仔，定D。」
係校花﹗
校花皺眉望著我︰「健二，你見到？」
「見到咩？」我目瞪口呆地問。
校花︰「後面D野。」
我回頭望。
「見到呀﹗﹗就快摸到我們啦﹗」
「咁啊……」
校花返到自己個位，轉身望向車後。
後面堆AE86停曬車，然後快速後退。
咦咦咦﹗﹗
校花回頭，四萬咁口︰「而家仲有無呀？」
我同森仔呆左。
佢到底做左D咩呀﹗？
車穿過隧道之後，森仔將架車泊響路邊。路邊有一間7-11，校花因為想食野所以就一個人去左7-11，得返我們幾條友留返響架車度。
我同森仔幾乎由頭睇到尾，我地心有餘悸咁對望。
「你……你見唔見到。」
「啊……校花？」
一講校花呢兩個字，我地二條麻甩不約而同咁望向7-11既方向。
「呀﹗」
小貓大叫一聲，我們立即回頭，卻見奈美掐住小貓條頸，而奈美個樣口吐白沫，雙眼反白。
「Shit﹗她鬼上身啦﹗」
我地打開車門想一齊拉走奈美，但合我地兩個男人之力都拉唔開佢﹗
呢個時候，校花買完野，只見佢跑緊去我地度。
然後一拳車左落奈美個頭度。
佢…….佢就係咁一野車左落去啦﹗
校花一改高冷美麗和善軟弱既氣質，取而代之係渾身肅殺既霸氣。
本來奈美俾人車左一拳後正咬牙切齒想咬向校花，但當佢抬頭瞪向校花時，佢…….佢淆左。
校花好細聲咁問︰「自己走，定係我趕你走？」
奈美怪叫一聲，好似響度抗議。
「攔﹗」校花以不似校花可以發出既響亮聲線吼左一個字，我､小貓同森仔都嚇到硬曬，完全唔敢郁。
她真係校花？定係俾鬼上身既係校花？
奈美再次怪叫，有一隻白色既BB響奈美身上滾左出來，校花一步一步咁行到BB仔既前面，用眼神……用眼神嚇走左隻野。
「以前哦……隧道既位置本來係一間醫院。」校花扶起小貓，並示意我地將暈左既奈美搬上車。
「因為地震，成棟樓都埋左。雖然救左好多人，但係D細路仔因為無自保既能力所以全部罹難。」
校花露出女神般仁慈既微笑︰「其實，佢地都好慘架。」
醫院單野我地本來就已經知道，但令我地迷茫既係……
校花，你根本係強者﹗？
|
