黃昏，我去到Carol的公司樓下等她。她工作的地方是在一棟商業大廈內，看來是需要員工證才可進內，於是我就在門前的空地等她了。

也不知多久後，Carol就出現了，只是當她看見我時，她怯生生地快步跑來。

「Sorry呀，等左好耐？」她小聲地問。

我搖搖頭︰「而家既你係Carol？」

她點點頭。

我們並肩地步去公寓，一路上Carol也沒有作聲，我忍不住開口問︰「Carol，叫我等你收工既人到底係你定係Helen？」

Carol屑了屑我，小聲地說︰「係我請求Helen約你。」

我不解地望著Carol，只是她那深深的乳溝卻搶先一步吸引我的視線，於是……我立即轉移視線。

「就算轉左做Helen，都無必要著成咁啦。我明明講過唔鍾意你咁著，而且你都應該知道你身材很正。」我有點生氣。

Carol露出無辜的表情︰「我D同事日日都係咁著，點解我就唔可以？」

「其他人關我咩事，我就係唔想俾其他男人望你。」我沒好氣地問︰「係呢，你約我有事嗎？」

Carol點點頭。

「我想同你講……雖然Helen既性格令你唔舒服，不過她咁做係為左保護我。」Carol怯生生地說道。

「她著成咁樣又點保護你呀？」我瞪大雙眼地問。

「如果沒有Helen，那麼搵邊個去阻擋Carol既追求者？你嗎？Carol需要你既時候你又死左去邊？」Carol突然兇悍地向我吼道，啊不，這不是Carol了。

「你係陳琳？」我皺眉地問。

天啊，怎麼有人的人格可以說換就換？

陳琳依然兇猛地瞪我︰「唔好以為你察覺到我既出現，我就會放過你。其他人做唔到既事，我可是樂於去做。」

「做咩？隻抽呀？」我怒問︰「你用Carol既身體去打交，傷既唔只係Carol，要受法律制裁既都係Carol。」

陳琳依然怒氣沖沖，可是她已不再駁斥，我續道︰「所以當Helen出來時總係打扮性感，又以玩弄男性為樂，萬一有色狼既話，被傷害既亦只係Carol﹗因為咁，我先對Helen既出現十分抗拒。估唔到連你都同Helen一樣，唔通你地就唔可以正常一點嗎？」

陳琳咬牙切齒，可突然又變得目眩神迷，不久後就收起了所有表情。

「你講得好有道理，但你就得把口。」她冷冷地道。

她……她不是Carol，也不是Helen，更不是陳琳，而且小女孩Apple雖然未出現過在我眼前，可是這些話卻不像一個小女孩會說出的說話。

「你唔係佢地。」我說。

她冷笑︰「陳琳代表憤怒､Helen代表情慾､Apple代表天真，而我，就代表Carol冷靜既一面。我，是心音。」

又多一個人格﹗？

「你地到底有幾多個人？」我突然覺得很頭痛。

心音攤攤手︰「Carol好脆弱，而且又單純。她好在意你，但你群埋堆女仔度，她當然會唔鍾意。」

「我唔係已經向她解釋過啦咩？」我問。

心音卻似乎沒有打算回答我。

「Helen以言語玩弄男人，咁係因為佢以言語行為就可以將男人掌握響佢既預想之內，而陳琳就會響Carol想收起自己既時候先會出現。佢地都係為左保護Carol先出現，而Carol之所以會衍生出我地，就係因為你。」

心音停下腳步，而我也跟隨她停下。

「你，鍾意Carol嗎？」心音問。

「鍾意。」我毫不猶豫地回道︰「我搬入公寓，第一眼見到佢既時候就已經鍾意佢。」

「但你唔記得左第一次見到Helen時，佢同你講過既說話。」心音嘆一嘆氣︰「Carol由細到大都係女校出身，所以唔識同男性相處。難得佢對你無戒心，請你好好對待佢。」心音說道。

我們去到公寓，進入電梯時我們都沒有再說話。

當我們步出電梯時，心音突然整個人倒在我身上。

「心音﹗」我及時扶起她。

她說︰「健二……」

「Carol？」我皺皺眉。

「健二……我好攰……」說完，Carol就昏倒了。

Fuck﹗我立即抱起Carol然後跑到我的房子，在我慌忙地找鎖匙時，房子的門就被打開。

「Iris﹗」校花為什麼會在這裡﹗？

只見校花用死魚眼看著我︰「每次我開門見到你，你都係奶左野。」

我避過站在門前的校花，然後跑進客廳把Carol放在沙發上，小貓和奈美都圍著我問我發生甚麼事，直到森仔拉開二人，我才鬆一口氣。

校花看了Carol一眼，轉頭說︰「佢沒事，應該係人格轉換得太多所以暈左。」

我吃驚地問︰「你知道左？」

「小貓講我知。」校花說︰「你條友比我呢位校花仲受歡迎，不如改稱你為”校草”？」

「玩野咩。」我白了校花一眼︰「Carol患左人格分裂，照你講法，佢一天內轉人格轉得太多既話就會暈？」

「可能會，不過好似好少患者會一日內轉換咁多人格，佢係米受左咩刺激？」校花好奇地問。

我回想起剛才一路上的對話，難道問題出自我身上？

我望著Carol，然後又屑了屑小貓和奈美。

「Carol鍾意左我，所以當見到我同其他異性太接近時就會出現其他人格，而表人格就因為傷心所以就埋藏自己。我咁解釋會唔會好合理？」我冷靜地問。

森仔說︰「你夠鍾意佢啦，你地拍拖唔係仲好咩？」

「我想啊。」我輕撫Carol的額頭︰「原來我一直都傷害你，Sorry。」

身後傳來一男三女的聲音︰「閃死人……」

我把Carol搬到我的房間，校花和小貓則在客廳溫習，而森仔及奈美就去了奈美和小貓二人一起住的房間內玩PS4。

為了讓校花和百合貓可以獨處，我決定看森仔和奈美打高達。

「吶，你有無打算跟Carol一齊住？」森仔問，同時他控制的自由高達正在拔劍往前飛。

「你估我唔想。不過，我都要等佢醒左先問她。」我交疊雙手地回道。

奈美的Exia也拔出雙劍︰「然後你地就可以日日啪啪啪了。」

「你呢個腦海只有黃色既女人請收皮啦。」我反白眼，奈美你這傢伙根本是我肚內的蟲。

「去死啦﹗」奈美和森仔突然大叫，只見畫面有兩部高達以高速對斬，但在我眼中卻是頭昏眼花的激光，真不明白這二人為什麼可以看清楚各自的動作，你們二人也是NT嗎？

「你地就快連鎗都唔撚識用架啦。」我忍不住吐槽。

這時，我的電話響起，只見來電的是班中一位MK妹，我接起︰「喂？」

另一頭的她卻十分趕急地說︰「健二﹗救命啊﹗呀威鬼上身呀﹗」

我囧了。

夠了沒有呀喂﹗？