昨日又冇打日記添....

再係咁唔得...........

真係要keep 番日日打先得....

今日想同大家講個story

有一位老婆婆 個子唔高 , 但係好肥 , 行路既時侯需要拐杖支龤C 每隔兩個月老公公都會陪老婆婆到醫院覆診 ,
因為老婆婆患有高血壓。某夜 , 老婆婆左邊身麻痺入院 ,
經過電腦掃描顯示右腦出血。我如實話比老公公知 , 佢無出聲 , 只係無奈咁望住我 ,
淚水已經湧現。第二朝, 意料之外 , 老婆婆既情況唔係想像中咁壞 ,
而且頭腦清醒。入院之後既第五日 , 老婆婆問我 :
呢兩日伯爺公點解無黎探我既 ?

一個實習護士話比我聽 , 早兩日老公公突然心肌梗塞 ,
住左響對面既男病房。兩老無兒無女, 最親既都只係姪仔。今日, 姪仔帶左兩樽果汁黎醫院 , 先去探老公公 ,再去探老婆婆。過左幾日 , 老公公既病情剛剛穩定 , 就嚷住要出院照顧老婆婆,
經過一番溝通之後 , 主治醫生諗左一個折衷辦法 :

首先老公公換番自己既衫 , 坐住輪椅 ,由工友推到女病房門口 ,

而為左安全起見 , 醫生護士都要跟埋老公公一齊 ..

老公公蹣跚地企起身 , 手執果汁 , 走到老婆婆床邊 :買比妳飲嫁。老婆婆嗲起黎 : 呢幾日唔見你既伯爺公 , 咩事呀 ? 病左咩?

老公公微笑 : 唔係呀伯爺婆 ... 姪孫結婚啦 ,我要幫佢打點一下嘛。呢一個, 係我咁耐以來聽過最動人最感動既一個謊話。人生就好似變幻莫測既天氣 , 雖然可以預料 ,
但往往都出人意表 ... 老公公既心臟日復日咁康復 , 準備出院那天 , 病情突然惡化
,撒手塵寰。姪仔辦理完死亡證明之後就黎搵我 ,要求暫時唔好話比老婆婆知 ,

因為老公公死前遺言 : 照顧伯爺婆,
唔好話佢知我既事,唔想佢受剌激。呢個時候, 無一個在場既人唔感動唔流下眼淚, 包括我 .....

當日我巡房既時侯老婆婆又問 : 伯爺公D果汁喝晒啦 點解佢又不見人?

護士強忍眼淚 : 妳唔記得左咩? 姪孫過兩日結婚啦! 老公公要幫手嘛。第二朝清早 , 我發覺老婆婆床頭多左樽瓶果汁,聽到護士同老婆婆話 :

老公公剛黎過 , 佢見妳訓得咁甜 ,
唔捨得叫醒妳,放低果汁就走左啦。當護士一轉身發覺我企響! 度既時候 , 立刻雙頰通紅。我微微一笑 , 拍左佢膊頭一下, 慶幸佢果顆愛心 ,不為歲月冷卻。當日下晝 , 護士長察覺坐響梳發對住窗望風景既老婆婆無左呼吸 ,
我迅速跑去一手抱起老婆婆 ,再聯同護士將婆婆放上病床急救 ...
搶救二十分鐘之後 , 我宣布失敗 ....

我一邊寫報告記錄 , 一邊諗起「陪著你走」既一句歌詞 :
如果, 走到這世界邊端 , 我倆已是無力前行 , 跟我一起飛去.....

護士長走過黎同我講 : 估唔到你咁大力 ,一手就可以抱起老婆婆。我只係報上微笑, 因為我已經唔想講任何野,我怕我忍唔住眼淚 ....
老婆婆的確好?, 但係好輕 ,
因為佢既靈魂已經跟老公公飛走左啦.....

"愛" -- 雖然只係一個字但係無人或任何事物可以具體咁解釋呢個字 .....
正如糖好甜, 花好香 ... 根本無得解釋,要用心同親身體會先可以感受。真正既愛~~應該係堆藏響心裡面 , 去體會, 去感受, 去領悟.....
即使天會變 ~~月會圓 花會枯 人會老 .....

有生之年請珍惜你所愛以及愛你既人

呢個story 我個人覺得好感動.....好鬼正

頭先睇一擲千金 發覺上親去d人都係屋企人有問題.....

好似今次個女死左.....

發覺自己屋企人係冇咩事

原來我自己係好幸福