什麼先叫做完結?

其實冇野係完結。

真正既Ending就係你既葬禮當日。

一切既功過，係由歷史去判決，今日你成功、並唔代表你以後成功。

一次既錯失，好可能係你一生既錯失。

人生唔好諗自己有幾多好既野，應該諗自己有咩野唔好去改。

當犯既錯越少，就會得既功會越多。

正如你今天，依一段既關係，並唔係要為對方爭取到D咩野，反而係要減少對佢既忽略。

依一點唔好好似一D人成日咁講，聽日先算，慢慢去做啦。

而係要適當咁做到最足。

曾經聽過有人認為總會有累既一日。

我好想去講，當你以為自己可以去隨時去愛人，當改變一到。

就算你付出一千倍、一千萬倍。

甚至你上再付出都未必可以再做到。

咪以為依一句係一句有累既一天係一個天大既道理或者真理。

只係一D朋友比自己唔想去付出既藉口。依個世界唔會有等待你去改變、或者想做既時間。

而只有你要做、應該要做既時間。

男女關係、朋友關係、同事關係、屋企人關係。你唔去主動去做、去付出、去關心。

你只會換來係一個人既孤獨同埋被埋沒。

你既人生想做一個透明人、想係依個世界上被人忘記嗎？

記憶真係好薄弱!只要你失去主動、參與! 如果一切變成為被動。

人既記憶就好似水咁一沖就淡。

但係過程付出好多，就算你好耐無見，我覺得你既付出就好似一杯日日被人飲用既咖啡杯咁。

你既咖啡蹟同埋咖啡味會留係杯入面。

唔會咁容易洗得走。

仲成為別人既回憶。

世界係要我地去參與! 依一份參與係一種主動。

付出既味道係令人係寧靜時產生左一D好深層次既馨香。

係一種生命上既點綴。

係一種心靈輕快既一份交待。

就算你有一天突然間好累。

累到訓係床邊上四肢癱瘓!

你既回憶會不知不覺咁突然向你作出好多既提示。

一種上天賜予任何人生命既一種流程。

令到你知道得著既地方係邊個位置!

我深信，一個人付出後，眼淚係唔會白流。

悲哀唔會成為你生命全部。

反而，因為付出先更加體會到人生既驚喜，人的一生一定會有一天會交待、會計數。

你想你人生係點，就要取決於今日既選擇、決定同埋行動。

世間有好多既理論、道理!

有人認為人既一生最重要係自己既開心？

有人認為別人既快樂係令到自己更加開心。

依兩點都係可以換取到開心既結果。

但係後者，可以換來更大既獎賞。

因為佢既獎賞係換來更多人既祝福。

原來我曾經係一個令到別人因為愛而受傷既人。

本來任何大時大節可以有一個好好女朋友陪同我渡過，我以為自己有一個愛自己好深既人，可以隨便既冷落。

可以叫佢來就來、走就走既人。

我睇到自己好叻，可以支配佢任何既感受。

我可以對佢亂發睥氣，仲要佢吞聲忍氣氹返我。

將佢一個少少過失當成佢一生既錯失咁。

漠視左佢既感受。

原來，因為冷落、受傷、痛苦、同埋付出到好累。

令到佢失去左從我身上得愛既滋味。

結果分手了。

之後我還想追求她的朋友。

但當我清醒過來之後，先發覺她才是我一生中最愛。

當我苦苦衰求她回心轉意，用盡一切方法去挽留。

她還是沒有回頭。

以往訓係我枕邊既人，已經藏左係回憶入面。

留下佢既枕頭。

留下我對佢既眼淚。

我只能夠係夢中去抱佢。

而生活中，佢已經一步一步離開左我。

結果，我要為自己既犯錯付上好大既代價。

你好想去補償一切既犯錯，好想去令到依一個重次幸福!

對方已經唔再需要。亦唔想你為佢再做任何既付出。

而我現在正正是一個因傷害她心靈而比判刑既犯人。