妖..之前qooza上極都上唔到

搞左幾耐呀

現家先開番

好多日冇打blog啦

搞到我想打既野都唔記得

都唔知打咩好

唔慣冇得打blog既日子

唔知大家做曬功課未呀

做完既話

可唔可以借離抄呀

真係唔想做呀!!!

今日同盈去游水

雖然天氣唔係幾好

但係我地唔理

我都已經好耐冇游過啦

去到泳池

我地玩左一陣

就諗住玩滑水梯啦

但係盈唔夠擔玩

比我講多兩講

都夠擔玩

玩完之後覺得冇料到

就玩最激個條

都係冇料到

結果我地玩左7次

玩玩下

個個人話唔比玩

因為天氣唔隱定

我同盈係最後兩個

真係好采呀

玩多一陣水就走啦~

我發現我太耐冇游

已經完全唔識游啦

以前都話識蛙同自由式

但係唔識換氣

現家浮都唔識

望到d細個自己既人都識游

覺得好魚呀!!!

琴晚睇書睇到4點半

差唔多5點先至訓

跟住7點鐘又比阿媽橙起身

家姐今日放榜

叫我一齊去

關我咩事啦

我又唔洗考會考

不如比我訓多幾個鐘重好啦

去到恩主教

超多人

家姐攞完成績單

係到大叫

可以考番原校讀中六

佢間學校有唔知3個攞滿分

勁野呀!!!!

不過家姐可以考番原校

我都好開心

下就冇咩野做

係到諗緊我第時讀完中六會點

我諗我都唔會讀大學

讀完中六就算啦

自己邊有能力考上大學

同家姐相比起

差幾多呀!!!!