真要命/...
今日心情大起大落..
連打字都有d手震...
因為次序問題...
所以下面三件事既時候係倒轉時間既,,,

8月6日∼炎髮灼眼的討伐者香港animax登場∼∼
係我開始打le篇日誌既時候突然之間...
我聽到夏娜把聲...
之後我即刻去睇電視....
結果...我就見到渣二坐係地下...
然後就係我既夏娜飛身一砍...
哇∼∼型爆丫∼∼∼
le件事雖然同我冇關...
因為我中配...打死我都唔會睇...
不過係夏娜既事就值得歡呼架ｌａ∼∼∼

－－－－－－－－－－－－－－－－－－－－－－－－－－－－－－

話說當我開始打既時候發生上面既事..
但係點解我會打le篇日誌呢...
就係因為le件事lu...
哇...當我一見到小鏡個名...當我...
當我一掃過去...小鏡...小鏡...
小鏡拎左993票丫∼∼∼
我當時係開心到...捉住自已衣領...
好想大叫.,..但係唔叫得...
所以就咬住下唇...但係真係超開心...

本來以為宅方人氣會強過小鏡...
但係結果小鏡現時係「最萌2007」入面預選第一名...
做低左魔砲同薔薇少女...
仲差少少就過千票tim...
勁爆丫∼∼∼∼∼∼∼∼∼∼∼∼

最勁既係小鏡同其他人既連記有超多...
即係表示投票俾小鏡既唔只lucky☆star既支援...
仲有魔砲同其他動畫既支援都撐小鏡...
證明小鏡既萌力係連其他人都萌倒...
啊...我就痴線la...
雖然小鏡令小此跌到第三位∼∼
但係小鏡真係超掂丫∼∼
同樣係lucky☆star既大將就唔好計la∼∼
而家既心情...真係難以平伏...
尤其是我今日先發完既惡夢...

－－－－－－－－－－－－－－－－－－－－－－－－－－－－－－

再追朔返前d∼∼
衰野就唔好提la...
總之今朝...唔小心del左14集夏娜...
我當時諗...不如死左佢算la...
冇左夏娜...我同條廢柴有咩分别...

之後係冇野做既情況之下...
我邊做功課...邊諗住夏娜就邊喊....

最後既結果係....
憑我既聰明才智...用極端既方法解決左....

大家就唔好理咩方法...總之係解決左∼∼

－－－－－－－－－－－－－－－－－－－－－－－－－－－－－－

最後再講一講小鏡ｌａ∼∼
一直以為小此係強過小鏡既∼∼
因為宅女既魅力應該強ｄ...
但係原來係台灣小此先勁過小鏡...
日本小鏡既傲嬌實力係萌過小此∼∼∼

其實小鏡唔算係傲嬌,,,
只係同佢既雙胞胎妹妹比...
佢比較有大小姐既風範..
(問題係佢只係柊家三女..仲有兩個家姐..)
但係風範都僅於外表有...
係佢既性格行為上係一d都唔似傲嬌派應有既特質...

而且最掂既係...係最新既第十五集...
當小此太矮睇唔到前面既平野綾演唱既時候...
本來以為小鏡會貫徹佢地一貫既傳統..
趁le個機會吐槽...
但係小鏡主動同小此調位∼∼∼
問題係係之前一幕...
小鏡因為抽唔到演唱既門卷而俾小此冷落...

其實小鏡有好多方面既性格都係超好...
例如年年都編唔到同小此佢地同班...
但係從來唔表逹佢既失落..
朋友面前仲要扮冇事....
真係超令人感動∼∼∼

所以其實萌係因人而異...
有d人鐘意kuso為主既無敵御宅族小此...
(無敵係因為通常御宅族係專攻一個項目..
但係小此係動畫漫畫遊戲周邊全包...)
有d人鐘意小鏡既傲嬌同性格...
總之lucky☆star既設計真係超勁..
無論係鐘意邊種萌要素...
lucky☆star都總有一個岩人口味....