今日一返到去就食生果..跟住就要上中史堂!!果然係１７／2１..太失望啦..我一定要重測~好快咁講書..講講下牙ｓir竟然講『掌紋』..真係估唔到我牙ｓir咁博學多材架!係我既掌紋入面..我覺得原來我眼角高+與異性相處很好+好專一!!嘩..好準牙~

好快咁過左中史堂..跟住上中文..派書..唔係話真係好多咋喎!!好呀~又過左中文啦..聽到果消息..係關於『Ｅliｚ』架..一陣先講..跟住英文堂..唔記得做左d乜..就係記得唔使默書..哈*gd!!跟住就去左食『百景好』..本來係去食『鍋貼大王』架=.=!!今日『Ｅliｚ』冇同我地食..因為佢要ｉnteｒviｅw呀!!５個人食２個飯都食得飽∼太好啦！

返到去上左一堂通識就放學啦..要等埋『Ｅliｚ』放學~所以唔走住!!跟住比我見到我既『Ｍastｅr』..天意呀!!咁我就決定送我既『Ｍastｅr』去搭車..行到去九龍城=.=!!跟住又返左學校..見到『Ｅliｚ』啦!!一齊走左~

返到家同牙媽去太子搞返英文果度d野..跟住就去試下果間『飯團』好味牙!!返到家..ｋikｉ上左黎*又唔講聲既？！跟住同佢去左佢個ｆd家打邊爐..我支持到呵..冇食呀我!!跟住自己一條友返家..又係得個悶字..雖然牙爸牙媽放假//但都冇野講既~哈*又係咁打比人..又ｆd又唔聽電話囉..點解個個人都有咁多節目架?!好..咁我就打比『公本恩』同學..點知連佢都唔得閒..佢叫我打比『褟天揚』同學..又唔得閒!!ＯＭＧ∼『公本恩』同學話會打返比我係佢搭車既時候..點知成１2點幾先打黎..佢話唔記得左..而家先記得=,=!!係咁上網同佢玩》心理測驗《..哈＊有Ｄ都ＯK準喎!!傾到咁上下,,就收線訓覺~

Ｐ．Ｓ：原來愛情真係脆弱到咁..『Ｅliｚ』同佢條仔拍左１年幾..差唔多２年啦..真係可以話分就分..仲要係幾日間突然發生既事..雖然『Ｅliｚ』講話係大家既錯,,但我覺得真係好可惜囉!!大家都諗晒將來既野!!點知而家突然就咁啦!!所以呢..2 而家唔拍拖係o岩的~哈*我係長情既人喔!其實拍拖係咪真係咁好呀?咁多人明知自己唔會同人認真或者都知自己唔會同人超過１年、６個月、或者２個星期..但都要同人地拍拖..點解呢?而家暫時都未搵到一個我好中意既人..可能要搵到一個我好中意佢..而佢又好中意我既人係好難..但我信有呢一日既都!!哈*希望係佢中意我多過我中意佢啦~因為唔會咁傷..冇付出咁多..傷心既時間就唔會太長啦~係咪好醒呢?!                              ↓                                                                   ↓

                                   http://www.socialwork.com.hk/love/e0301.htm

              呢個網好得架..好似係人地多年黎既心得咁話喎!!!

做左好多個『心理測驗』都話我【佔有慾】好強喎..其實我都覺架..所以話呢..做我男朋友都幾痛苦架!!哈*