今日係牙藍生日..本來係開開心心既!!但↓

生日啦~~~嘩哈哈哈哈~

今個生日真係好搞笑~!又好唔開心!

唱k ge時候,每人都俾o左個生日錫錫我~yeah~!

到場ge人有:mint,龍姐,知浩,ken,kenny,kit,大眼仔,大佬,余文,Leo,秋葉,阿堯,阿浩,痛愛,嘉豪

不過唔開心ge又o黎啦~

今日本來有知浩成日陪住我玩同吹水,都好開心,點知阿kit一出現,佢就唔理我,而且個個都好似有人同佢玩咁,得我一個傻o左咁坐o係度冇人理,仲要冇人留意到我已經嘟起個咀唔出聲,到大眼仔同爹地見到先有人理o下我......本來有人同我玩,我就唔會唔開心唔會亂諗o野,但係冇人理我,我就諗到,今年可能係我最後一年生日,之後仲喊o左出o黎!

到唱完k,佢o地話要上cafe食o野,其實我唔太鍾意上去cafe,不過都冇人理我......由旺中行去Y House o個陣,行頭ge竟然係阿kit同mint?!一向都係由我同mint帶頭,今次party主角唔係我咩?點解每個人都好似重視阿kit多過我?而且知浩仲幫佢拎袋,而我呢個所謂ge''主角'',完全冇人理,更加冇任何人主動我拎袋......只係得爹地見我唔開心,又唔出聲,所以先同我一齊行......當去到十字路口,我見到佢幫阿kit拎袋,忍唔住講o左句''真係得閒,咁有心幫人拎袋'',大眼仔見到我啤住知浩,就話''仲唔醒目d?'',知浩即刻話幫我拎,本來應該好開心ge我,竟然講o左一句心底話''唔駛..我唔希罕..'',之後就拉埋爹地走!

上到cafe,我仍然係一句聲都冇出,贂住佢同阿kit咁close,真係心痛得要死!最後我講o左句''我冇眼睇呀!'',就走o左去mint度坐,mint知道我唔開心,問我咩事,其實佢睇得出我呷緊醋......之後佢見我講極都係咁冇心機,就諗住叫知浩過o黎乙水返我開心,正當知浩想摸我塊面o個陣,我一句就冇講就走返過爹地o個邊......唔係唔開佢乙水我,而係我唔知可以同佢講咩......唔通同佢講''你可唔可以理吓我感受,明知我鍾意你,可唔可以唔好同阿kit咁close?''咁咩?所以我選擇離開現場......

到之後玩game o個陣,阿kit問o左我一個令全場無言ge問題,令我真係男女男到彈起!冇人敢幫佢講說話,亦冇人敢阻我鬧佢!之後龍姐好似飲大o左,為o左要向mint交代,唯有同爹地、大佬、嘉豪一人一支飲晒d啤酒啦~!空肚飲酒,有d wing,不過冇事~!過o左12點,大家都各自走人,嘉豪話送我,我話好......

佢送到我返天水圍,同我講佢仲等緊我,問我可唔可以俾多次機會佢......我突然諗,既然知浩根本冇理過我感受,自己又何必繼續等?點解唔俾個機會自己去被愛?更何況我又唔係唔鍾意嘉豪......我唔想再令自己後悔!

心情好複雜..............又開心又唔開心咁.............

唔知呀~!

真係o晒嘴!!又會關我事架囉..大佬?!