好開心,,發放消息!!!表姐話記得影相比佢地睇,,,估唔到3表姐妹都要搵180以上的男朋友*o晒嘴!

LIST FOR MY ONLY ONE***

1. 唔準同任何15歲以上35歲以下無血緣關係既女性單獨外出或者傾超過5 分鐘電話。

2. 我'meet'你既時候你唔準縮。

3. 我唔會check你既來電顯示，但係你最好唔好俾我聽到你同不明來歷既女人講電話。

4. 你個電話裡面只可以有兩個女人既相，你媽媽同我，除非你想講我知，你要日日對住佢地。

5. 唔好俾我見到你著白襪，除左打波既時候。

6. 我明白每個人都有過去，你會有舊情人既相呀信呀禮物呀，但係唔好o係我面前飄揚，有咩爛左唔好怪我。

7. 每日起碼要打一次電話俾我，因為我會掛心你。

8.你要俾我知你去左邊，我唔係要check你行蹤，只係如果新聞話有三名行山人士失蹤，我要知道係唔係你。

***9. 我地未必可以一生一世，但希望你同我一齊既時候，每一刻都對我認真。

10. 得閒要買野比我，最好係一set情侶果d。

****11. 你要記得間中同我講「I love you」，否則我會以為你唔再愛我。

12. 你心裡面諗d咩，一定要同我講，因為我好蠢，你唔同我直接講我唔會知道。

13. 我去dating你叫我玩得開心d既話，我會以為你唔愛我唔緊張我唔想要我。

****14. 你之前D女朋友要求過你做既，唔該你自動自覺做返齊晒比我。

15. 我希望你會記得一切既大時大節生日同紀念日，我唔會提，亦會扮大方，但唔代表我想你失憶。

16. 男子以才為貌，但係都要乾乾淨淨。

17. 唔好企圖或意圖用「中五妹妹仔o者」黎做藉口安慰我，我唔會睇小妹妹仔既威力，因為我都曾經年青過。

***18. 係我d好朋友面前，要表現得有咁好得咁好，因為我要晒命。

19. 唔準對我講大話，或者專登講d野黎激我。

20. 唔準一腳踏兩船(或以上)。

21. 著得sexy 係有兩個原因：1. 我覺得靚 2. 等你緊張我。

***22. 出街一定要主動拖實我，因為我要安全感(因為你比唔到我，所以要呢d外力)。

23. 我唔揀飲擇食，所以食咩你話事(法國菜除外)，不過，揀甜品既主導權歸我。

24. 如果我遲到，都只係因為我想著靚D見你，所以你唔好鬧我。

25. 你最好唔好有一堆女性朋友同契妹之類既不明物體o係身邊，否則我會大你三十萬用行動證明俾你睇我都有一籮男性朋友同契哥加uncle。

26. 我個人講野好直，有時會詞不達意，講左d乜你唔中意，原諒我。

27. 食飯時第一箸夾既食物記得要係俾我既。

***28. 如果有人追你，記得同我講，我會用掃把掃走佢。

29. 鑽石同珍珠，我永遠都唔會嫌多。

30. 我知你好忙，但你要爭取時間同我相聚。

31. 我唔會問你我靚唔靚(因為我知道我唔靚)，你最好諗定第二樣黎讚我。

32. 我知道你冇可能每秒鐘都掛住我，但係如果你全日都冇諗起我，我會好驚。

33. 如果你著到成個闆仔或者 MK Guy咁樣同我出街，我會面青。

34. 如果你郁手打我，我一定會走。

35. 得閒教我英文，因為我唔想死UE(其實係你其他科幫唔到我)。

36. Shopping 時可以分道揚鑣，但係你唔好又要企我隔離又要黑面。

***37. 我好樂意同你行你鍾意既舖頭，你唔需要怕我悶，我會自得其樂。

38. 我承認我係一個膚淺既人，我既日常讀物係8掛雜誌，你唔高興既我會隊本《紅樓夢》俾你睇。

39. 我唔介意你望靚女，介意既係有筍野睇你都唔同我講。

***40. 我喊既時候，你一定要氹我，因為我只會o係好傷心好傷心既時候先喊 。

41. 你打機既時候，我會自己搵野做，你唔需要擔心，最好你教我打埋一份。

****42. 鬧交果陣一定要氹我先(就算我做錯)，之後話返比我知點解錯，因為我中意先君子後小人。

***43. 如果你冇開口講，我都為你去改變，代表我真心鍾意你，請你珍惜我。

44. 我好樂意幫你煮飯洗衫執屋做MASSAGE，但係請你唔好當「奉旨」。

45. 我會間唔時嗌「我好想嫁我好想嫁 」呢句係我既口頭禪，你唔需要太恐慌。

46. 當你睇波既時候，我會問你「咩係12碼」等低B問題，你唔好嫌我煩，因為我真係有興趣，但從來冇人教過我。

***47. 我會希望你將我介紹俾你既朋友識。

48 .放假時我會間唔中留係屋企休息，你即管出去玩，唔好以為我係貼身膏藥你唔同我出街我就唔出。

49. 你先要努力工作，然後盡量抽時間陪我。

50. 你唔需要係有錢仔，但係要有上進心，想出人頭地。

51. 你一定要有自己既理想。

52. 我唔會問你「我今日有咩唔同」，你唔需要每次見我都恐慌性將我由頭到腳SCAN一次。

53. 我想睇日出。

***54. 我知道我好刁蠻任性。

55. 我M黎果一個星期會情緒暴躁，你要小心D 。

***56. 你煮飯俾我食，就算只係一碗餐蛋麵，我都會開心過食Rougie 鵝肝。

57. 我同你講野既時候自不然會嗲聲嗲氣，我都冇辦法架。

58. 我好有興趣知你既戀愛史，最好由頭到尾同我講一次。

***59. 因為愛你，我會珍惜自己，要自己身體健康，叫自己開開心心，你都係。

60. 如果有一日，我地分左手，我都希望可以繼續做朋友。

****61. 如果你愛我，你唔會捨得要我傷心。

*****62. 一個男人對女人最大既尊重係向佢求婚，其次係帶佢返去同父母食飯。

63. 男朋友既功用係對女朋友好，女朋友既功用係對男朋友好。

64. 好多事唔係我懶底扮唔識搵你做，而係我真係唔識。

65. 我希望你間唔中都會俾比 D小驚喜我，係「小驚喜」，唔係「大驚喜」。

***66. 你講過，而我又應承過既，我一定會做，例如我唔會再講分手2個字。

67. 如果你見我個樣冇乜表情，唔係我唔緊張你，而係愛一個人就會變得笨拙，我唔知用咩表情面對你好。

***68. 如果有人追你，記得同我講，我會用掃把掃走佢。

***69. 好遺憾我冇機會細細個就識得你，所以宜家請你俾多d時間我，俾機會我去了解你。

70. 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。

71. 我地要開一次會，睇下你對呢d 戒條有冇異議。

72. 條文內如果有唔清楚既地方，以我既說話為依歸。

73. 其實，我明白這些戒條有點吹毛求疪有點不設實際有點妙想天開。我只想你知道，在寫這些戒條的時間內，每一秒鐘，也在牽掛你。