生活需要調整一下
。
有時都會諗起 D.
令我改變好多既一個人。
我仍然好迷茫究竟係咪屬於 '前度'?
。
單身3年幾
玩都玩左咁耐 其實都想搵個人安定落黎
但唔知點解往往我鍾意既
都唔會想同我發展 純粹想..
或者我比人既感覺就係咁
而事實我以為搵到個岩既 點知都係自己諗太多
有時不得不同自己講 '認真就輸了'
。
可能真係心態問題
上個禮拜downlond個交友app
純粹想搵人text下.
有1個. 比較特別 感覺上同我有d相似興趣方面
特別在於 佢鍾意文字 鍾意畫畫 鍾意影相
交換左電話no.whatsapp.
我諗野比較負面掛..
我冇save佢個電話做1個record.純粹8個數目字
因為網絡世界裡 3分鍾時間 見完1、2次最後都可能唔再搵大家
咁點解仲要晒位去save 1個3分鍾既人?
有名就等於有左感情 到時想放都難.
比個簡稱: W
男仔黎講D字真係靚.
22/2 約左出黎DINNER 咁岩呢日係元宵
都無留意 係有1個人同我講 我先知。
佢揸車黎公司附近接我
起初我唔想勞煩佢 真係唔太好意思。
但佢最後都堅持
我地去左大埔食潭仔最後
佢唔食得辣 為左訓練佢 叫左小辣
但佢已經開始流汗
食完行返去CAR PARK
W : 不如去行下? 食飽
之後就行返轉頭,我地傾左好多野.保險,人際..
原來我同佢之間仲有1個共同點 : 鋼琴
佢弱既地方我比較好 而佢好既SKILL我比較弱
一路上有講有笑 雖然話我同佢唔係同1個年代
但其實佢只係大我1年
所以都無乜代溝。
之後佢話要買籃球打減肥
最後搵到間 我地仲停留D氣入籃球係無咁先進化
我終於知道..原來百佳係可以入八達通...
佢笑我..仲同我講 其實美心都得
之後佢就車我返屋企。
|
