2005 年 12 月 14 日  星期三

親身經歷２(續１)

親身經歷２(續１) 上回講到:當時我頭腦一片空白....完全唔理有咩後果....大叫(xx心　唔通你真係對我一Ｄ感覺都無咩))))))　)隨後換來的是一片平靜....以及一個發了瘋似的短跑選手.... 到左第二日我返到學校本想會比人笑到面黃...結果個個都叫我加油叫我努力佢地話我同佢真係好襯,係好耐之前就認定我同阿心係一對... 可能係尼一句野,我個心好似死灰復燃咁再次燃燒,(佢無話唔比你追佢呀,你識佢咁耐都知啦,佢一向都口硬心軟架啦):我o既朋友對我講,放左學我就係門口等佢,我好想問清楚到底發生咩事,佢唔係同我講可以做返朋友咩?點解琴日咁樣對我.. 等呀等....終於等到佢出黎啦,唉~依然當我透明直行直過,於是我就跟住佢後面一直去到巴士站,一到佢就問我(跟住我做咩,有野就講啦..)當時佢好似有ｄ面紅,我心琳(佢點解面紅呢...會唔會佢都鍾意我呢!!!!?) 於是我就問佢(係唔係我有咩地方做錯..令到你尼二日都唔理我呀?)佢無應我,過左陣我再問(個日我同你講鍾...意...你果陣..你話大家都係做朋友好ｄ,我唔會逼你同我拍拖...但係...可...可唔可以唔好咁樣對我....你知我個心好痛嗎...) 換來的却是一個令人無法反撲的絕望(我鍾意左你死黨ｘｘｘ) 當時我就好似進入左冰河時期咁全身凍結........... 當巴士到站(我走啦...)然後就慢慢地消失在我眼前...原本我打算放棄後來想清楚 阿心鍾意佢姐,佢未必鍾意阿心架嘛....因為係我第一次有尼種感覺,亦係最真最肯定o既一次:我真係愛上她了,我唔想咁易就放棄...從果日起我日日放學都係門口等佢,無論佢幾點出黎都好..我都等..... 哈哈~結果換黎兩個幾月非人生活o既日子....日日都當我透明,同佢講野佢唔應,自己好似白痴咁同佢講到巴士站,但係佢依然唔應我當我透明...從學校到巴士站大約１０分鐘...我日日都要做十分鐘o既白痴　唉~~ 我ｄ朋友都同我講(放棄啦　風,佢根本係度玩緊你　唔好咁傻啦..最近你有無照鏡呀?　你知自己瘦左幾多嗎!?)但係我完全聽唔入耳,直到２月１４日...我原本想送水晶比佢...結果我將個水晶打碎左..隻手仲流左好多血...碎o既唔止係個水晶...就連同我o既心都一齊碎...碎成粉末... 點解我會將個水晶打碎....係因為２月１４果日..我一返到學校就同阿心講(今日放學我係門口等你,今日可能係最後一日啦...希望你可以聽我講幾句) 到左放學果陣我依舊係門口等佢出現...等呀等...等到黃昏佢終於出現啦.. 我好想發火鬧佢,不過始終鬧唔出,然後就同佢講(其實都過左咁耐啦,你都有兩個幾月無同我講野啦...我今日只係想知道兩件事姐...第一你真係鍾意我死黨ｘｘｘ? 第二你從頭到尾都無對我心動過?　我只係希望你答尼兩個問題...)說真的我已經做好最壞的心理準備啦...結果佢答我(我而家唔想拍拖住,我想讀完書先再講尼ｄ野)哈哈...問非所答,聽完後我轉身默默地離去,在這浪漫的黄昏裡天空開始下雨了................ 當我升中４果年(我本以為我升唔到架)我同佢分班啦佢讀文科我讀理科,見面機會等於零,過左一個學期我開始同一個同班o既女仔拍拖,唔知點解消息傳到阿心o既 耳邊,到左第二日我之前同班o既女仔(之前中三果陣同班的,而家同阿心同班)話我知如果我果陣時再堅持多一段時間阿心就會答應同我一齊....但係我完全無反應,只係講一句(如果我果陣再堅持落去　你今日都唔會再見到我啦)講完之後我笑一笑就走左啦,從果日起我再無聽過有關或見過阿心啦~

刊登時間︰2005-12-14 06:20 PM    [ 訪客留言(1) ] [ 編輯日誌 ] [ 分享至FACEBOOK ]