蒙面?
琴日冇時間寫,今日時間尚早.要寫返先得
你不是多餘的.大家都把你當成一份子.至少我是
你地想一齊去玩?冇所謂.不過最好星期日吧.比賽前都可以.雖然我口說很忙.但還有個星期天空出來.有甚麼直接說出來吧
星期六.辛苦辛苦.累爆累爆.開心開心
一早八點起身.食完早餐.準備出門口.心情不太好.怎麼電話不響起來.難道又是一樣嗎?
到了.原來他比我早.他跟我說hi.早晨....
我回了一句HI.放下背囊.....抱了一下.摸一下頭.好耐冇見.掛著你呀(真係好掛著你.兩星期冇見.剪左頭髮.攪笑.哈)
個半小時地獄妹妹....不過就算我幾唔願意.只要係你叫既.我一定會做
(盡管地獄妹妹.不過也有很多歡樂的時光.天氣太熱.所有東西變地獄)
差不多完了.怎麼吳生帶來一大伙人.練習進度大打亂.....
兩小時乜都冇做過.超悶.打埋唔夠十轉
又完.12:45先出發.跟他一起走.打機....無耐
遲了.1:45到達.更遲.........唯有KFC.不過真係幾好食.如果食既人係唔怕byebye既話
練習途中.神奇事件發生.原來我一直著緊拖鞋都唔知.不過算啦.佢地幾個都唔駛我點示範架啦.最好係咁教.唔駛郁
尾段.簡直係神積.我手一揮.打中一個女人既頭(成日叫班細路郁之前周圍望下.點知自己咁白痴@@)
跟著即刻講唔好意思啦.佢摸著塊面.話(唔緊要.唔緊要)起初都不察覺.不過聲線很令人懷念
我轉身望望家樂.傻笑一下(我係白痴嘛???)
剛才那位女士默然回首.一看.怎麼有這樣的感覺.令我嚴肅起來.四目雙投.呆呆滯滯....
呀.怎麼會是你(我竟然親手兜頭打了班主任的頭一下.想起都令人回味(講笑咋.MISS WAN你見到唔好鬧我呀)
我們呆站了一會.我不自主地走了過去.雙腳垂直站立.雙手垂低(點解又係咁.上次見到又係咁.唔通我一見到MISS就變返學生?)
對著她.感覺比上次更加消瘦.(有甚麼病嘛?)上次約食飯.時間改了.她病了.有點不忍
她: .是你的學生嘛?
我: 係
她: 很不錯哦
我: 謝謝
她: 怎麼這樣的小傢伙都那樣出色?
我: 小傢伙?
她: 是呀.那個.個子最小的
我: 哈(大笑.開始沒有站得呆.手也動起來)那個呀....哈哈
她: 他多大哦?一年級?耍得好好哦
我: 哈(持續狂笑).一年級?
她: 呀?不是嘛.頂多二年級吧
我: (指著逸說)這個是他的弟弟
她: 呀(呆了)他的弟弟?但樣子看來也像一年級生@@
我: 樣子不像哦.但已經升小六了.只是........(不能說.家組也不想我說吧)
說了一大堆~~~~~~~~~~~
我: 那下次約食飯時.一定要來哦
她: 好的.那我先走了
我: 哦.好.再見.BYEBYE MISS WAN(我好像鞠躬了?有嘛.記不起)
她是我中學生涯.最令我值得尊敬的一位老師.打到呢度.令我諗返中學生涯好多野.(雖然好夜.但係我好想繼續打落去)
亦希望佢會睇到
奈何.我對不起她 (對唔著MISS WAN.係我錯.我果時冇聽你講.攪到依家讀唔成書.仲同你攪對抗)
八年前 2000年9月1日 星期五 晴天(上午6:30)
我趴在電腦枱上.睡醒了...
通宵達旦.打機白痴.
醒了過來.立刻望一下電腦蛍幕.仲記得玩緊石器時代.打緊LUMLUM利.好似係去打四古獸唔知石果隻(呀.好彩.隊友沒掉下我)繼續玩...果時我係咪傻架@@
上午7:30
聽到媽咪打開房門既聲音.我立刻把電腦及蛍幕的電源關上.跳回床上.裝睡覺......
1分鐘後.打開了我的房門.傑傑.起身返學啦.第一日唔好遲到呀(佢好似係咁講)
如常.刷牙洗面洗頭.吃早餐.,換衫.衝出門口.坐小巴.幸好沒遲到
(岩岩走左出去.鐵達尼最精彩一刻呀.一手拍左落個WINDOW度.拖了一下)
回到校園.看一看.分到文商班.不會吧.那麼班主任.不就是師兄門說的XXX.(天呀.難度我這兩年要過著地獄般的校園生活?)
令令令~~~校園鐘聲響了起來.大家都趕忙回到自己的位置上站立著.呆曬著(點解日日都要早會架?)
跟著又黎啦.走音王帶令我地唱校歌.每一次.第一句頭兩個字同尾果度佢都必走音...都仲記得下歌詞
海天~~~~一片雲播仁風屬~~~校遍港九.有教~~~~~無類作育英才歷~~~史~最悠久
悔明~~風雨~~努力,前程良機~~~莫估負.DADADDAD.....好似大約係咁.後面歌詞唔係好記得LU
呢首歌.真係好難唱.中一音樂堂.第一次考試就係唱佢.仲記得我果時唔敢唱.出唔到聲咁滯.勁低分.....
唱完.大家返到班房.MISS WAN點名.齊人.去禮堂啦....
我太高啦.就係排第一.點知坐係佢旁邊 .望下佢.初初真係有D嚇人.不過依家諗通LU.唔係佢既錯.佢自己都唔想.我地唔應該用歧視既眼光睇人.(MISS WAN.如果你見到係咪好開心啦.不過唔好以為我玩野.我依家真係咁諗架.雖然以前我成日笑你.唔係你面前 )
好啦,坐低左係禮堂.半睡狀態.唔夠5分鐘.校長講完年年一樣既野(X話).又唱校歌.點解成日要人聽你唱呀.你唱得真係好好聽呀你知唔知架.個個都好欣賞你架.不過我覺得俾我地身為學生既自既黎就得啦.唔駛你個個星期唱得咁辛苦
唱完.坐左唔夠5分鐘.訓左........無啦啦.俾人撞了一下.
她: XX傑 我: SORRY
幾分鐘..又訓過@@@又俾人撞左一下......她: XX傑 我: SORRY
又再幾分鐘..再訓過@@@俾人撞第三下......她: XX傑 我: SORRY
MISS WAN: XX傑 我: SORRY..... MISS WAN: XX傑 我: SORRY..........如此.我地應該反覆呢句同埋動作超過數十次
真係樣衰.終於挨過兩小時.完啦.諗著可以返屋企啦.行得...
起身.俾佢捉著.你留係度....成班人行哂.得我同佢留係度.俾佢轟爆......M.W: 第一日返黎就咁..XXXXXX.............我: 呆站
第一日佢就對我印象深刻啦..........中四開學禮.第一日就係咁過.XX傑 SORRY. XX傑 SORRY......哈.諗起都攪笑
哇@@依家12:00啦.太長啦.我諗打多一萬字都打唔完.好啦好啦.如果有觀眾想睇落去就留下言啦.好讓我有更大動力去寫
打埋琴日D野先
好啦.M.W走左後.過一會就練完.更衣
出門一看.怎麼有新食法?
整緊雪花肥牛刀呀?
超型.....點解會噴咁多架?
睇佢地攪.好似有排攪....都係走先.廢事要人等
到地鐵站.等到4:15.點解仲未到架?
撥個電.他說.屋企樓下好多消防車.暫時出唔到.要等陣
我就話咁我等埋你啦.佢.好
10分鐘到.終於到.路途上.一直玩MARIO.坐在一起.不知怎魔說.好像親切的感覺回來了.很高興
到條頸靚啦.又達啦.又飛的...點解次次同你都係遲到既@@
練到7點自己時間.佢話想練旋子轉體.我話好
佢好有心機咁練.竟然一陣就練到七成(天呀.點解會快到咁)
對比我自己練既時間.....簡直係神(我自己慢慢研究.都攪左成幾個月.做出黎先似樣.佢...........OH)
7:30.走了.要回家吃飯
跟他一起.地鐵.說了幾句他說很睏.睡了幾個站.看著他睡著的樣子.哈.始終都係一個細路
睡著了...
好開心.今日好多時間都可以同佢一齊....
雖然今日係好辛苦.但係有你.就不會感到寂寞.....望往後每一個星期六能這樣
|
