呢排一直都好矛盾，見到莊員ge關係慢慢咁改善，大家都開開心心一齊玩，係開心ge。但係，不斷積累落黎ge壓力同不滿，令到我愈黎愈唔想對住你地，唔想係呢個地方。

最近個人一直都好憂鬱好憂鬱，太多野突然殺埋黎，開始感到絕望。

先講莊務，我真係就黎負荷唔到，既然負責Mass Game，亦要同一時間處理大大小小、各式各樣ge問題，好似PreO book場、dean sponsor、臨reg、financial report、cafe night......

我知道自己能力唔高，唔可以multi-task，同一時間要處理咁多野真係好辛苦，我唔會怪其他人唔幫手，但我只係唔明點解我會主動問人有冇咩問題要拆ge時候，往往冇人問我需唔需要幫手。

對事唔對人，好似Prep Ocamp material咁，次次都係得我同Hugo去拎紙皮紙盒果d，唔會有人話主動出聲幫手。大家協議星期一六日番黎prep野，但係到最後有幾多人番黎做野?又有幾多人番左黎之後係真係有做野?我唔覺得「我地唔知有咩要做」呢一個係理由，我先唔區分咩營長咩session pic果d，會唔會係連自己個camp需要d咩都唔清楚。「d野未firm，唔知prep咩」呢個原因真係好好笑，既然未firm，咁點解咁多人一齊番左黎唔可以firm左d野佢，反而係個個係度唔知做乜。我最唔明就係點解你地唔反省下做咩會對個camp一無所知，係唔係冇人講冇人提起所以就唔知，會唔會唔係自己問呢?個個都係等人去assign先做野，咁即係如果冇人assign就可以咩都唔洗做，咩都唔洗搞啦?好啦，到到今日都冇人比到mass game proposal我，我又要逐個逐個問，好似搞到追債咁，搞到自己好黑人憎。其實mass game proposal我自己一個做哂真係冇問題，但係係你地要求要一人負責一份，係你地講到我做出黎ge proposal睇唔明，唔岩logic，1999，先至變成每人負責d，而家又比唔到貨。我追你地，又搞到好似我將自己d工作掉哂比你地chur你地命令你地做咁，唔追你地，自己一個做，又會被你地嫌份proposal成份垃圾咁，我真係唔知你地想點。

再講Preo book場，果晚開會收到madspaf電話，大家都好絕望，冇得用va場，真係會好徬惶。但係果晚過左，好似得我一個緊張個場咁，我唔知其他人有冇暗地裹好擔心啦，但我真係不停諗有咩方法可以拎到室內場，有冇咩室內場可以用。應承左負責交form ge人，最後又冇交到book場form，好似又係得番我一個去處理。至於傾dean sponsor，我成程都冇出聲，係真係廢ge，唔識英文，死廢J一個，冇咩係傾dean sponsor果度貢獻到d乜。但之後點先拎到dean sponsor，又有冇咩方法可以快d拎到dean sponsor，又係得我一個去問去搞。其實傾dean sponsor果陣個秘書話我地book到19號 n core個場果陣，我係超開心，真係有種放下心頭大石ge感覺，差d有衝動想喊，但果一刻，你地都好似冇咩反應，覺得冇咩特別，可能你地只係覺得「哦，有場用」，又或者係我誤解左你地ge諗法，其實你地都係好開心ge，我唔知啦，但唔知點解，我覺得果陣得我一個係好開心。臨reg果度，如果我唔下下講比你地聽，你地又真係唔會問我搞成點，或者咁講，你地應該都係覺得呢個係我ge職責黎ge，所以就唔需要多問啦，總之我就係要搞掂佢啦，如果搞唔掂又係我問題，我又要諗辦法去解決啦。可能你地會覺得係上莊仆街，唔做好自己本份，搞到我地reg唔到。搞真，我連怪上莊ge心情都冇，我只係擔心緊如果我地reg唔到咁點算，我真係唔知點做好，chur JP又唔係，唔chur佢又唔係，我可以點?同埋呢d野應該係fin去同fin交涉ge，唔知點解又變左我交涉.....跟著搞cafe night，雖然呢個活動係我ge idea，但既然yvonne take左，我就真係想交哂比佢打理，雖然我知佢都唔係一個盡責ge人，比佢搞同我自己搞冇分別，但我真係handle唔到太多野先交比佢，但我唔明點解個個有cafe night問題又係問我.....

「原因係因為我係P，所以我就要負責哂咁多野?」

呢個真係原因，單單係因為我係P，所以我就要咩都理哂?我都想好似你地咁可以等閒出街同fd玩，我唔明點解好似得我一個人係日日做緊莊務。我知你地番工賺camp fee好忙，但係我最唔明ge點係，明明係好耐之前講好左要賺果幾千蚊，但係竟然番工番到而家都仲未賺到，仲要繼續賺，究竟係邊個ge問題。每個人都剩係識得用「賺camp fee」黎做藉口，每次唔得閒做唔到野都係咁講，而家賺camp fee係大哂架咩?成日串我搵雞水咁多，我都嘔到筆camp fee出黎，點解你地唔得?講真，要儲有幾難，個問題會唔會係係你地自己度。「因為要賺camp fee，所以我就唔得閒理咁多野」，但我呢，就係因為我係P啦，所以我要負責哂咁多野。OK Fine，負責唔係問題，但我真係好唔妥要我負責，但又嫌三嫌四，我辛辛苦苦做出黎，你就剩係識批評，話我做得差，但又要我做，真係幾好笑。前事不計，講最近ge cafe night，我比左咁多game貨比你地，係比你地揀，比你地睇有d咩 game岩用，而唔係比你地數呢隻game有點唔好玩點有bug。你地話我比果d game有問題，但自己又話諗唔到game，仲要諗埋d咩捉蟲、大風吹，你地竟然又真係覺得自己好過我好多喎。講真，我雖然覺得阿tam係有做野，幾擺心機落去，但其實佢唔係真係做左咁多野，我自問做ge野唔比佢小，但係，大家都會覺得佢好做到野，但我呢，我付出左好多野，但就日日比你地串，雖然好多時係講笑，但串得多真係會唔開心，有時真係太盡。我可能有時真係太9up，但開會傾野我係認真好多，次次諗出黎ge野你地都ban ban ban，但tam諗ge就會贊成，我唔覺得佢ge野同我果d有咩分別，明明講ge野係差唔多什至係一樣，但我講出黎ge就好似係廢話，冇人認同。好似今晚講cafe night，佢ge idea，佢講要做ge野同我之前講ge有咩分別，但係點解我講出黎就會被人ban，好似遊戲咁，講真有冇可能廿幾個人玩紙言片語，就算改玩法一人一隻牌講一個故事，都唔覺得有幾有趣特別好玩刺激。但係竟然個個都認同，我真係無言。去到話要有懲罰，之前我都講過要有，你地就ban話咁樣太harsh，嚇走d組爸媽，而家換做tam講，你地就話好，個個爭著諗有咩懲罰。我真係好失望。

我唔係妒忌tam講咩你地都會附和，唔係妒忌tam有能力過我，我知大把人有能力過我。我失望係明明係同一支莊，大家都係莊員，但我講ge野好似從來都冇被人認同，可能有過一次兩次，但係都係好少，我真係好失望，我能力係唔係真係低到咁。其實，我都唔知自己係唔係P，個個都係因為我係P，所以好理所當然咁要我處理所有野，但係到頭來，我根本冇被人認同過，究竟我係呢個地方算係D咩?

「究竟我係度做緊d咩」

我唔知自己係度做緊D咩，我係一個唔認同我ge地方度不斷咁付出，不斷咁努力，我開始覺得咁樣好浪費。我真係好辛苦，好多時好唔開心，但又唔想講出黎，因為我知講出黎都冇用，冇人會明白我，而且我唔想影響其他人。我最近係度諗，呢個地方係唔係真係值得我付出咁多，因為莊，我連同我死黨打波見面ge時間都冇；因為莊，我同我最fd ge中同關係慢慢咁疏遠，什至變得陌生；因為莊，我陪屋企人ge時間少左好多；因為莊，我擱置左好多野，好多興趣，好多想做ge事。

我真係好絕望，我唔知自己應該點做，應該以一個咩ge心態去面對黎緊ge莊期......