唔知由幾時開始次次打親Blog都係有好多好多野想呻出黎想講出黎先打

搞到呢度好似變左做我嘅發洩版咁

不過多得呢個blog，我先可以將我部分情緒發洩出黎，打哂出黎個人真係會舒服D

今日番工好Hea好Hea咁過左一日，但貌似堆左好多野聽日要做咁

收工之後知道你地兩個食飯開始有d唔開心

其實真係好唔明，雖然你話下下唔可以成日提以前以前

但係真心我開始覺得自己變左做outsider

你每一次問食唔食飯都唔會問我而係會問mean

我好似只不過係陪跑，係一個有冇都得嘅存在

以前，真心要提一提番以前，你係會主動問一問我食唔食

但而家呢？

之後打比你同你講我都黎，你把聲又頹又無語氣，我隔住個mon都望到你個副唔耐煩同西緊嘅樣

其實你係咪真係好唔鍾意同我做朋友？

你真係覺得你有care過我嘅感受，冇忽略過我咩？

如果我唔係主動話黎嘅話我諗你呢世都唔會搵我食飯，真心係有緣再見

好彩我而家真係進步左，可以拎到最佳演員獎，一見到你即刻扮哂無事咁殼

仲要就算你西你個樣頹我個人都要扮哂無事咁我真係覺得自己好勁好似有超能力咁

如果我再係咁係你面前發癲你一定有燥我之後又記住係心入面，然後我地又會變得更加唔friend

而家一有野就向mean發洩唔同你爆，因為我真係唔想我地關係決裂

但經過尋晚你地果餐明明話自己好窮但又竟然好神奇咁食到嘅放題同埋你冇諗過搵我食飯之後我真係忍唔住好想好想講出黎

好想將我地之間根本有出現左道牆呢件事實講出黎

最後我忍唔住手真係po左IG，我知咁樣好幼稚

我都成日覺得係IG懶係傷心搏人同情果D人好on9

但係其實我po黎都只不過係想發洩下，或者第二個原因係比你睇下，比你知我好燥，但又唔會爆你好辛苦

其實我唔係好想係你面前戴面具做人戴得愈黎愈熟練

但係我又真係唔想燥你發脾氣

真心好辛苦啊Diuuuuuuuuuuu