今朝早懶床遲左出門口搞到今日番工遲左成個鐘lol

其實last day都遲到真係有d過份，雖然唔會有人知

唔知係究竟係因為今日係last day啊定係因為今日遲到左一個鐘所以覺得d時間過得好快

今日其實都算幾好成績架啦賣到四枝，仲要係係冇左枝梅酒嘅情況底下

今日番工依舊有笑料，每日新鮮，真係層出不窮

本身sale緊兩個女人買酒嘅，最後佢地決定左買之後就係度同我吹水

佢地知我呢個promotion完左要再搵過份工之後係咁chur問我住邊區啊讀緊咩啊想番邊區做野啊咁

最後佢地比左佢地嘅contact我，佢地話佢地一個賣咖啡一個賣朱古力，聽佢地口吻應該唔係經理就係店長啦如果唔係應該係唔會可以咁輕易決定請人

呢個2015年真係機遇處處

之後臨收工果陣又同左我對面果個aunti promoter交換左contact，佢話佢會forward我個contact比d agent有工就可以搵我番，如果真係嘅話都幾開心

夜晚臨收工果陣一早決定左要飲哂d sample酒，但點知荔枝剩番勁少，反而10度果枝梅酒就仲有好多，我一個人就咁飲哂

飲完隔左一陣好眼訓lol

食完飯之後就番左hall，跟著係我想飲水之際竟然發現左我漏左個水樽係果度diu diu diu

又要買過個T.T

今日同你嘅wtsapp依舊都係咁，咁冷淡，不過我知道修補一段關係係好需要時間嘅

而家唯一希望嘅就係希望你唔好慣左咁樣溝通，如果唔係我真係會好傷心

琴日同今日都有個位覺得自己好恐怖，我竟然又ff你同果個人出去而唔話我知又呃我，但當我諗到其實自己咁樣成日ff只會令情況繼續崩壞落去之後我就冇再咁諗

而且退一萬步黎講就算你真係咁樣做我又可以點啊，咪都係咁，做唔到d咩，如果我下下冇證冇據就咁ff然後發癲仲衰。

不過如果我所ff嘅野變左做真，我唯有默默咁唔開心啦，唔可以下下都咁激動，唔可以下下都咁爆，雖然我知冇乜可能，我一定要盡可能做到海納百川 有容乃大。

今日聽到你話食過莊飯，未買過莊禮物，唉我又有少少呷唶點解人有我冇，不過咁，我諗諗下佢地又唔會收到生日禮物，但我會收到，咁就算啦。

其實我都係想知道自己有幾特別幾重要啫，但我明白到我就真係唔可以因為單單咁樣嘅事而發嬲或者有反應。

聽日，大概都會係天晴嘅，我相信。