講番琴日先，琴日上完得超之後就去左做Interviewer Training，原來係勁多野記，而我係連機場邊一忽打邊一忽都仲未搞得清楚。

Anyway，希望到時我可以有$500 up一日啦。

跟著之後夜晚就學日文，我好耐未試過咁想的起心機去學好一樣野啦真係，好興奮。

今朝早一朝起身就去左interview，幾驚差d遲到。

一去到就填form，之後就背佢比我果份稿，由9點度等等等等到10點都去開波。

直到果兩個interviewer入黎我心諗好贏終於開波快快脆脆in完啊唔該。

初頭真係自己同場果四個人都好勁，我有d驚唔夠人爭，不過對於interview就冇乜緊張感，應該係因為in得太多part time已經麻目左。

之後interviwer要我地逐個起身輪流背番段稿出黎，背完之後仲要再讀一篇稿。

跟著我真心覺得自己算勁，比起同場果四個人，至少我真係好完整又唔係太甩咳唔懦場地背哂成份稿出黎，又自我感覺良好present得幾好。

去到part 2要我地起身自我介紹，一聽到個interviwer話準備好嘅可以自己起身開始講，我就唔知點解好勇敢咁自己彈左起身，但我又真係好流利咁自我介紹度，不過咁又係嘅，自我介紹果段野我真係已經係唔同interview入面講左無數次。

自介完佢就開始問d有少少con feel嘅野，不過都冇乜野嘅，算係應對到。之後有個女仔用普通話好勁咁自介果下我真係覺得自己有d輸左嘅感覺。

不過講真呢個interviwe我算係表現唔錯啦，如果佢唔請我，我真係會好嬲。

之後in完已經成11點，真係痴痴地線in左成2個鐘，跟著我就直接出左觀塘去in撰稿員。

撰稿員個interview點知又搞左超耐，又厭我開價$60/h開得太高，咁我又真係覺得係嘅，不過佢係咁殺我價我真係有d唔妥佢。

跟著仲要我番屋企做埋個writing test比佢，要寫篇600字嘅essay，係半個鐘之內。

好彩可以番去做，如果唔係我即場做真係一定做唔切。

之後番到hall千辛萬苦做完啦，send完出去去到夜晚我就番到屋企我先醒起原來我email漏左下款寫我係邊個啊diuuuuuuuuuuuuuuuu

唉唔知佢會唔會因為我一時大意而唔請我，今鋪真係聽天由命啦。

之後黎緊果兩日都要番AWE，仲要兩日都係踩11個鐘，其實我真係覺得會GG。

希望我聽日仲會有精神繼續打blog啦T.T