今朝一起身就好趕咁去左番工

今日番工我終於好成功咁係take break期間溫到日文，終於可以做下d有意義嘅野而唔係齋坐係度

就放工嘅時間同左Mean去食晚飯

一早諗住同佢講我呢排嘅感受，覺得自己好似愈黎愈outside咁，另外亦都要同佢講番對唔住，講過咁多傷害佢嘅野

不過佢已經好似好絕望咁

咁我真係責無旁貸，唯一可以做嘅野應該就係用時間去證明一切

聽日又要繼續番工，又要開始準備溫Test，好攰好chur

今日突然之間係度諗，好似自從踏入左十九歲之後冇乜好事發生過

好似係上年差唔多生日嘅時候，22FHSA就誕生左，而係我生日之後冇耐我就Quit左莊

之後一月嘅時候ocon發生左好多事，之後佢身邊又出現左果個人

跟著就開始左情緒極不隱定嘅兩個月

二月到四月呢段期間發生多太多事，好多時好多事都冇打到係blog

但應該真係算係我人生數一數二情緒起跌得最快嘅時間

而呢個時候我竟然發現左11-4岩岩好係六個月，唔知係咪意味著到左4月20號一切都可以回復正常呢？

其實真係唔知道到底過左20號，過左4月之後一切係會向好定係向更惡劣嘅事態進發

我諗我唯一可以做嘅就係順其自然

我會用我自己嘅力量，去爭取我嘅幸福。