六年級既三日兩夜畢業終於完左lu！由５月３０日到６月１日，

我地２：１５返到學校，同６ｃ班同車，我同winky and cindy一齊坐，

好快就到左lu，我地去左一間房，去聽個D規則，同個周sir黎講，

佢個樣好鬼死得意架，講D笑話又好笑喎，然後我地去分房，

我地間房有一個大廳，三個沙發，兩個洗手間，兩間房同最重要既電視機呀，

個度去邊度都要經過周圍好多樹既路，又長又熱，地上重有D田雞屍體，好噁心呀，

我地同6c一齊，then我地做組名，我地個名係"the shining girls"。

之後我地食dinner，再之後去玩營內定向，我地要分開幾組，去唔同地方搵資料，

周圍都黑漆漆，我地同電筒周圍照，好刺激呀~~

我地個組都差唔多搵左一半，都算滿意啦，

then我地返去lu，我同cindy跑返去，趕住去沖涼，然後去睇溏心風暴！

睇完迷之後，miss chan 同 mr lam入左黎，同我地傾計，傾一D好私隱既野，

then佢地走左，我地繼續傾，傾到去一點幾，我地去食杯麵，然後再傾，

傾到差唔多四點，我地先訓，我地個個都兩個兩個一齊訓，

如果熄晒D燈，間房勁黑，我地個個都係度尖叫，

過左一陣，winky同winnie話好驚，彈入黎同我地一齊訓，

搞到四人訓一張單人床，迫到爆炸，結果我同cindy係5點幾出去第二鋪床訓。

到第二日yvonne係最早起身，我地食左早餐之後就整水火箭，

then去睇我地各組既天才表演，有好多組呀，我表演魔術，都算滿意啦，無失手，

佢地表演成兩個幾鐘，係呢段時間勁悶，坐到骨都痛，搞到自由活動時間得返半個鐘，

我地咩都無玩呀，之後食lunch，then經過兩條奪命樓梯，去一個大草地，

整炮彈台，然後發射水彈，我地開頭有少少問題，期間隔離我地班既男仔打算向我地發水彈，

好采老師企係中間，D男仔唔敢射，結果我地都完成左，我地向佢地發彈，中左幾個，

佢地唔夠水彈射，so我地無濕身，最後因為D男仔唔小心整濕左D老師，

so個miss每一個男仔都倒水落去，搞到佢地濕晒，勁好笑呀，今係peter生日，

so佢係加倍既~~之後我地去發射水火箭，cindy出去接，我按開動鈕，

其他去捉住個發射器，我地開頭領先架，不過最後都lose左，

then食dinner，再之後去玩一個要思考既遊戲，我地要答好多問題，

得到D提示，知道個咒語就嬴，我地答中左好少問題咋，so lose左，

之後我地沖涼，12點幾食杯麵，1點個時個個都想訓，so大家都訓。

我一覺訓天光，訓到7點幾，食完breakfast後去玩繩網，幾好玩呀，

再之後有個惜別會，唱左幾首歌，大家都唱得好齊，唱得好好聽，

食完lunch後，我地走lu，真係好唔捨得呀...