哂靴=伸腳對手
食雞翼=鬆爭
三文冶=比兩個對方球員夾住
炒芥蘭=比人用膝頭撞落大脾
插水=扮比人踢跌
插花=用腳試圖過人
撻Q=射唔正個波
玻璃腳=容易受傷的人
醫院波=2個球員一追埋去訓身爭55波 / 隊友之間傳球傳波個個傳得唔好 好易俾人偷到或者搞到接波既人失晒位呢D傳波叫醫院波
賣老抽=抽筋
窿窿=0:0打和…
生蟲腳=唔識踢波架另外一隻腳
單蹄馬=只係用一隻腳踢波架人
食胡腳=單啼馬用唯一隻腳入到波
執死雞=門前入 d 容易入�H波
彈皮琶=龍門擋波甩手彈入
神經刀=龍門輕出經常失位
打飛機=射到無鋪
私家Q=用唔善長的腳踢出一個好波
"曬靴"=舉腳過高爭波而收不到腳
"恰西"="off side" 的同音, 越位的意思.
擦鞋仔波=有波大腳解,不求組織,縮骨唔攻
拉布=唔進攻係後場狂猜等完場
擺烏籠=射入自己龍門
生咕仔=青訓年青新人
撻頭=頂頭槌頂唔正個波
士哥=入球 (影浪 )
黑社會足球=斬黎斬去
球迷奇遇記=形容球賽出人意表
拉弓=準備射波
牛尾巴式=甸佬招牌動作過人
掛臘鴨=意即頭搥頂波timeing不好, 頂左出界
老波骨=經驗豐富但年紀大的球員
交差走位=進攻時用作引開對手之用
敗家仔=近門射失
"冇仇報啦呢次"=9x mins俾人入波
雙龍出海=守門員雙拳打出傳中波
射左去天后廟=遠離目標
臨天光賴尿=臨完場失波
漏油=踢唔到個波
打毽腳=用踢毽的方法傳球
踩波車=踼波時timing 不好跣低
心口控定=球從前方來, 球員卸力用胸口將皮球控定,令其輕輕墜下, 然後用腳踩定或推進
突然死亡=第六輪互射十二碼
海鮮波=隊波唔穩定
後踭cup 波=即係後插花
食波餅=被對方來球擊中
交叉腳傳球=馬勒當拿、加斯居尼常用的花招, 最近基斯普都試過。
放左入雪櫃=場比賽已成定局
腳底蹉波=多用於小型球
心口鑲鋼板=心口控波控失
痾蛋=龍門接波甩手通自己坑渠入龍
濕手巾=成日鐘意死扭架球員花名
神射手=聯賽入面入球最多的球員
彈地波=通常是指用頭搥攻門, 先將頭頂向地下, 再反彈入網。
大細=經過龍門兩腳之間再入龍
處子登場=第一場為球會上陣
首席射手=球隊入面入球最多的球員
假身=先走向左/右. 然後突然轉方向走向另一方, 用以騙過對方。
左腳彈(傳)右腳 / 右腳彈(傳)左腳=皮球本在自己腳下, 突將皮球踢向另一隻腳, 而另一隻腳不動或稍稍踢向前, 皮球自然撞/彈向前方,用以騙過對方, 前曼魚球星佐治貝斯常用的技巧。
伊拉克打法=踢高空波
拍手=完黃牌後向球證拍手表示不滿
放飛剣=球員向球迷或球證吐口水
魚生粥=緊緊熟
裝越位=意思是指後衞走向前, 讓對方球員處於越位位置。如果這時對方球員一傳球, 就會越位。
翻屍力=龍門先撲向一方瞓身擋出來球, 然後敏捷地起身,再撲出險球。
蠍子救球=哥倫比亞前國腳希基達守龍門時用的花招。
突破越位陷阱=前鋒本來跟後衛平排或在他的前面, 當隊友傳波比自己前, 突然先向後走(避免越位), 然後突然加速, 衝/爆 贏對方守衞, 制造射門機會。
黃金入球=加時中某一隊所入的球。入球後, 即分勝負, 不用再繼續比賽。
蛋桶陣=意思是大腳斬高波入禁區, 靠高佬用頭球攻門
魚腩 (部隊)=意思是指弱旅, 理應被對手大數
龜縮=打守勢波
亂棍打死牛魔王=大多指一隊弱旅幸運地勝了一支強隊。
Full Team=意思是球隊能以最好人腳出場作賽
鐵樹開花=十年唔入波，一入就起孖(指後衛)(好似馬甸尼同蘇金保)
郭家明戰術=9-0-1
發電機=唔只轉守為攻既重心, 係全隊波靠哂佢既帶動
神經刀=講個龍門表現飄忽, 時好時壞
雙料冠軍=多指同時獲得聯賽及盃賽冠軍, 如英超聯賽 + 足總盃
大滿貫=囊括該年度所有錦標, 以英超為例, 即是五冠王:「社區盾」「足總盃」「聯賽盃」「聯賽冠軍」「歐冠盃/足協盃」
殘陣=未能以最好的球員上陣, 只能以副選出場,.full team 的相反
夢幻組合=形容兩位(前鋒)球員的配合超勁, 所向披靡, 入球能力驚人, 這術語始於1994年世盃,形容巴西的白必圖及羅馬里奧
兩翼側擊=左右翼沉底斬波傳中,制造埋門機會
搶鏡=指球員表現可人, 凸出
「老人防線」=指後衛普遍年紀大, 例如 AC MILAN 的馬甸尼、卡富與史譚
邊線發難=翼鋒或翼衛助攻時, 落底線出波。
「放冷箭」=多數指大家預計不到的射球, 多數指18碼外的遠射。
老餅=又老又無用的球員
凍結=一般指前鋒被對對方守衛緊纏, 難以發揮。上世紀的涷結專家是德國的高拿, 連雲巴士頓都話高拿搞到佢無啖好食。
「鞋底搓波」=新解是皮利斯的「12碼傳球」。
取分之匙=用來比喻某位球員在隊中是重要的取分人物 梅花間竹 - 甲隊和乙隊輪流入球。例如瑞典周六晚友賽南韓，上演一場入球梅花間竹的賽事，最終踢成二比二。
作客入球優惠=兩回合淘汰賽事中, 作客入球有優惠(雙計)。甲、乙兩隊作場, 假如甲隊作客時與乙隊打和1:1 (甲隊有1球作客入球), 而主場時與乙隊打和0:0, 賽果仍是1:1, 但因作客入球優惠, 甲隊可以進級,而乙隊被淘汰。
|
