Oct. 9. 2009 - Day 7
星期五勒 仲有兩日 我開始心諗 : 到底我系吾想返學定系點呢 ?
DAD今日 出左去黃金果邊整野 點解呢幾日好似吾系黃金就mk呢 ?? 所以行動又得返我同MUMMY =P
因為連續果幾日都行左勁勁勁多路 四條腿都超級累了 所以今日吾去咁遠勒
近近地就大埔墟算勒 =) 首先去左搭71K往大埔墟鐵路站方向
一去到巴士站就有車黎緊啦 算好彩GA啦 如果走左班車又吾知等幾耐啦 我覺得71K都算OK耐先一班車
左兜右兜 富亨 - 富善 - 廣福 - 火車站 先去到大埔墟 其實行路系會仲快GA囉 但MUM話累吾想行所以先搭巴士過去之嘛
經過新街市 睇下有咩好食 但感覺樣樣野都麻麻地咁 D招牌同D名都吸引吾到我去食佢 所以 放棄 xD
先開始行大埔墟 行家庭用品公司 我 要 買 毛 粒 機 ! ! ! 而媽咪要買碟碟碟
第一間已經有碟了 但得一隻而且賣得勁貴 仲有 佢話D毛粒機賣哂 所以我地吾幫襯佢 xD
去左第二間 雖然都系冇我地要既野 但就買左第二D野 我地買左痴系浴缸地下果D防滑既野 魚魚來的 又吾同色既 好可愛=)
之後行第三, 四, 五, 六, 七間 終於搵到毛粒機啦 但佢個盒好似好殘 好似倉底貨放左好耐咁 = = 照買 鬼叫搵吾到咩
LUNCH @ 新明發 佢地D盅飯 好好味 =) 我經過佢間店 佢D香味都傳哂出黎 而且又好多人買外賣 所以吸引左我地過去食佢
17蚊一盅飯 吾貴 =) 但如果加野飲就.... 加熱飲要6蚊 凍飲要8蚊 特飲要9蚊 = =
我叫左做章魚肉餅盅飯 (平時我最愛章魚雞粒煲仔飯 =P) 媽咪叫左個北菇滑雞盅飯 (簡直系佢最愛啦)
34蚊埋單 又好平既一餐飯 之後繼續行街街 行左果D"零食批發" 買零食 仲買左11蚊4盒四方果o者喱丫
咁岩今日忘記帶 環保袋 所以拎住一袋二袋咁行去大埔超級城 要去TRENDY LAND同埋優之良品丫嘛
JUSCO精品部都行左兩行 除左優之良品外 冇收獲 =( 不過果D食物有D都系幫人地買
之後330pm去到晶運 MUM要去子健到睇E生 等緊佢果時咁岩做緊大長今卡通片 我覺得好得意
等多陣 E生放完LUNCH都返左了 佢話媽咪太過奔波 所以先會咁 叫佢飲多D暖水休息多D 開左D藥比佢就走得了= =
落去晶運1F睇下眼鏡拎得未 呵呵 原來佢已經運到了 所以拎埋先走 新眼鏡好令 =D
最後行返屋企 特意的經過大眾 撞岩中學放學時間 間大眾好逼好多人 我問MUMMYD行李箱仲可以比我放到幾本書
佢話我自己個袋可以裝幾多就幾多 原本諗住買3-4本 最後買左七本林詠琛既 好想追返哂詠琛D書阿 不過大埔間大眾吾齊書囉
詠琛D書我都追左七年了 不過近幾年買吾到書 所以成日差書 而家全部加埋都仲差<5 下年SUMMER我一定要返香港去書長買書 ! ! !
比錢果時入返大眾會 入會都只系20蚊 但我買果七本書都60-65 會員價八折 緊系入左黎買啦 xDD
不過拎住一幢書 加上一袋二袋 又要行黎行去搞入會D野 最終最上面果本書跌左落黎 刮到自己大脾 傷口OK深 流血= =
回到家 我又系到睇動物 (太無聊啦我) + 同噹噹BOOBOO玩 媽咪就系到汁定D小量行李先 吾想堆堆埋埋星期六既先汁
645pm 又出門口 行去大中搭75x出去黃大仙 約左婆婆一家人食結婚飯 + 送行飯
系富臨海鮮酒家 大廳果到 有金會BOOK左慶黃大仙誕 我地只可以坐房 14人張台好細囉
果個女帶位好搞笑 吾知系吾系聽錯左我地話4人 所以一開始比張4人細台我地 xDDD
我地一見到咁就即同佢講話14人喎 佢就換左張十人台比我地 所以好逼囉 冇法啦
出面又勁嘈喎 食都食得吾開心啦 傾計都吾系下下聽到對面果個人講D咩 \口/
食飽就搭75x回家 姐夫話我地訓埋聽晚就走 所以叫家姐今晚回家訓"陪下家人" 系大中落車 行返屋企 食飽散散步 GOOD
今日DADDY仲系黃金到拎左之前媽咪訂左果部電腦回來了 11.1吋 深紅色的 幾令 又吾重 =D
不過衰在冇CD-ROM囉 想睇碟又吾知點搞 想玩PC GAME又吾得喎 要研究研究 !
| 
