第三期重售既居屋, 佢比咗好多幻想我, 我曾經想過呢個可能响我既18歲人生目標當中, 唯一會實現既願望, 但隨著攪珠結果既公佈, 我突然好似鬆一口氣咁覺得, 都係租住先啦, 我都好想住下村屋, 呢個情況係因為, 經過我心思熟慮後, 我真係覺得供樓係好大壓力, 但係我老豆响今晚問我, 你做好簡樓既準備未呀....... oh~~my god, 事實都講咗我會簡到既機會唔大啦, 我梗係立刻搬出十八條大道理話, 話以我呢個排位, 就算真係比你簡到, 都唔係好野啦, 梗係唔買好過啦 (當然我好驚好吃力先啦講啦), 最後老豆用佢無奈既表情, 淡淡地答 - 咁得啦, 之後當我返房後, 佢地就好醒目地用我永遠都聽唔明既印尼話 (我覺得呢個係陰謀, 就係佢地唔想我知佢講乜既時候就用d我唔識既語言溝通, 唔怪得我由細到大都唔教我印尼話), 但我隱約估到話我唔應該放棄呢個機會, 就差算d都要買咗先, 頂~~~~家下買棵菜咩, 大拿拿佰幾萬, 咁無理由唔好位置方向既都要買嗎, 仲有乜我個相係咁差咩, 唔通我今次唔買, 就呢一世無得買咩, 最後, 當然無同我表達佢地既想法, 但係~~~乜真係唔同講我就可以當無事發生過咩?????