講真,金錢的用處,人人定義也不同。
可謂用得恰當?? 你認為恰當,但我又可能認為不恰當。
其實只要自己金錢能力所及又有需要,便可算是恰當而不浪費。
舉幾個例。 (以下均沒惡意)

(一)
呀媽買手飾。當然有時幾百蚊,有時幾十蚊,
買完,好啦。又唔係戴。講真,佢平時真唔點戴手飾。
但係又買,冇計,可能係女人天性。
咪當房間+1。 (模擬市民系統內,人的需求值。模擬市民不會喜歡在一個惡劣的環境中生活。)
所以我都冇怪佢。

(二)
呀敏有養兔仔。
有時都要買D消耗品或日常用品。
好像昨天,買完一條兔仔繩,成$60左右。
對我來說,真是不值。$60我買多兩本漫畫啦。
但我又沒這樣做,因為我明白到只是我沒這個需求。
所以我都冇話佢。

(三)
表哥買相機甚至相機鏡頭。
相機成萬蚊,買咗部。
鏡頭成千幾至幾千不等,成幾個。
初頭佢買黎為興趣,冇乜所謂結果可言。
最多所謂的結果咪自己開心。
而家又幫到公司做野,又賺到下外快。
姑媽都冇乜野講。

(四)
我朋友讀完大學,幾廿萬。
出黎做嗰文員仔,幾千蚊人工。 (我諗$7000左右)
佢唔會覺得有損失。
個學位現實來說,係佢自己買返黎。
親人本身因為經濟問題不想佢讀。
但佢自己有私己錢。
結果,文員仔幾千蚊人工。
但學完出黎做乜都好,學完D野係自己的,無價的。

從四個例子中,金錢用得是否恰當,除了一開始的個人需求外,
還要看你的運氣。根本可說是投資。
以例子(四)為例,我朋友讀完幾廿萬大學。
佢老豆可以無啦啦急病入院要幾廿萬醫。
咁點呀?! 冇錢,難道去跳樓一齊死??
不是。

以例子(三)為例,表哥學完影相,
間公司摺咗,唔好講影相,連工都冇得返。
咁點呀?!  難道又去跳樓??
不是。

大家冇人知日後會變成怎樣。
但唯一冇錯的是,
只要能力所及、不犯法和自己認為有價值的。
就做吧。就像柴九一樣,也可以創一番事業。
「人生有幾多十年?! 最緊要痛快!!」
但我想改改,呢個始於係現實。唔係痛快就得。
「人生有幾多十年?!  只要能力所及、承受得起、不犯法和有價值的,就做吧!!」

其實只要自己金錢能力所及又有需要,便可算是恰當而不浪費。
浪費是有結果發生,而結果的價值遠少於附出的預算。
例如買個飯盒,只吃了10%;結果只享受了10%自己附出的金錢,
這樣便是浪費了剩下的90%金錢。
但如果還在進行中或未開始,浪費根本不成立。
沒理由你一邊吃飯,我一邊說你浪費食物直至你吃完為此。
如果我學結他學到像某人一樣,就真是浪費~~