平時和朋友想靜靜地食飯,唔一定係Cafe,其實放題都係一個好選擇,坐得夠耐,食物選擇又多,可以邊食邊傾計,一個晚上就會過得特別快。

諗住等埋朋友一齊放工去食飯,所以都想搵個就腳的地方,所以今次就選了尖沙咀的三木,貪佢近地鐵站,一出K11,行一分鐘就到,就唔怕迷路啦~

上到去整層都係放題,因為一早已經預約左(8:30-10:30),所以一入去就有位,唔駛等好耐。

幸好有BOOK位,其實入去到,都看到幾FULL,都幾多人食~

看到個Menu,都勁大本,內容款式都好多選擇。

岩晒我的三心兩意的選擇,愛上食放題的原因,也是夠多元化,可以食幾多都沒有問題。

不論鐵板燒,沙律,魚生,軍艦,串燒也一併俱全,滿足到我為食的味蕾~嘻嘻

平時最怕放題的食物明明點了10件,只是來得2-3件。

但今次點的數量,全部都足數,唔怕來得太少,和朋友爭住食~

而且待應的反應也很快,很快就收ORDER紙。

先叫了一個黑松露蒸蛋,蛋身夠滑,蛋面也有黑松露,充滿芳香之餘,

也滿有彈性,又夠熱,口感也相當柔軟而入味。

真的連食二個都冇問題。

再食了一個炸蠔,炸蠔爽脆又夠熱,自己也很喜歡此炸物。

這間上菜真的很快,剛剛食完二件,又送上海膽軍艦,平身怕腥味唔敢食,但朋友也大力推介之下,試食了一件,也覺得很新鮮,柔軟而帶著鮮味,紫菜也很爽脆,一改我對海膽的印象!

而重頭戲當然是刺身~

款款都足數,仲要大大隻的甜蝦,喜歡食甜蝦的我,真係覺得啖啖肉~

三文魚也很新鮮,厚度夠適中,食下去很有口感,

虎蝦刺生也很好食,再加上厚身的帆立貝,真的又飽肚,又夠鮮味,刺生方面我覺得抵讚。

食完刺生之後,下一輪進攻就是串燒,

燒物不但夠熱,也夠入味,我好喜歡那個燒牛舌,

濃郁的黑椒味配上爽口的肉質,很有風味。

和朋友傾下傾下就LAST ORDER,最後當然少不了甜品,這裡甜品款式眾多,

有焦糖燉蛋, 多款味道的雪糕,奶凍....

愛好牛奶的我,就點了這個北海道3.6牛乳的奶凍,

小小的一杯,上面有少許西米,添加爽口,

入口時都是濃郁的牛乳味~奶味夠重,質感夠滑~

如果喜歡牛乳味的人,一定會喜歡這個奶凍,值得推介的甜品~(心心)

最開心就是和朋友一齊傾下計,又可以食得開心,滿足過了一個吵吵鬧鬧,嘻嘻哈哈的一個晚上。

 三木日本料理 Miki Japanese Restaurant

尖沙咀加拿分道25-31號國際商業信貸銀行大廈15 樓 (河內道入口)

電話: 3188 5882

星期一至日: 12:00-15:00; 18:00-11:00

♥歡迎留言或聯絡♥   [email protected]