o尋晚如常有車會聚會, 大家約o左21:30 o係老地方meet up
今晚大家都好準時, Henry仲帶o左3個女仔o黎
望落只有20-22歲, 因為望落太細個, 所以都無興趣開口問佢o地實際歲數

大家準備上車開車去食糖水之際, Henry叫o左1個女仔轉坐我車去食糖水
咁佢架TT坐3個女仔的確係好逼o既, 咁ok啦..坐我車咪坐我車囉

點知個女仔一上車就好似幾年無講過o野咁
自己自動波介紹自己...呢樣o個樣
佢話佢叫Agnes, 今年22歲, o係尖沙咀返工...blah blah blah

自我介紹完就到查我家宅喇, 又問我做咩..住邊..係咪成日出o黎玩車 etc.
因為我唔知佢咩人, 又唔知Henry同佢咩關係, 所以都係當吹水咁耍佢就算

見佢咁主動, 真係覺得好煩, 我好怕o的女仔咁"chur"
有理無理, 一開車已經唔跟大隊行, 自己一支戰咁飛過海

9秒9泊好車就落去糖水舖攞位
點知個女仔又跟我坐, o的fd都陸續到, 佢都繼續o係度引我講o野
又問我做咩成日玩電話, 我話:"我要tum女友睏覺"
佢即刻話:"我俾我電話你, 你今晚tum我睏覺丫!"
我即刻想噴兼O晒, 成枱人dead晒望住我, 頂!

拿拿臨食完叫佢o地上車砌返轉, Agnes當然二話不說又話要跟我車啦
我話我住香港會中途散, 唔會跟佢o地過返海
因為之前佢自我介紹時話自己住紅墈, 咁斷估佢都唔會咁蠢自己搭車過返海
咁佢先話跟返Henry車, 呼...甩難!

飛完一轉, 人都開心晒
所以幾時都話"車都係人o既叉電機"
返到屋企都1am了, Nat都睏o左了
拿拿聲沖好涼都上床睏, 唔係o聽朝無精神返工