我由細到大都好喜歡車
所以一到18歲就考牌兼買車

由以前玩日本車(依家都有玩), 到依家玩歐洲車
由細個玩1架, 到依家玩3-5架(有o的好快轉手唔玩)
玩過o既..都會有感情, 就算只係揸過幾個月, 送走佢o個日都會有唔捨得

以前電話影相唔靚, 又無facebook upload相咁方便
所以好多以前玩過o既車都無影低
希望有時o係街撞到佢o地時可以影返

CF4, 唔係玩o左好耐, 幾個月貨仔
嫌佢嘈..點改踩落去架車硬係好似唔肯去咁
同埋屋企坐一直揸慣歐洲車, 望同坐都唔係好慣

Lexus IS300, 都係玩o左9個月到
o個陣睇中o左架TT, 咁o岩個friend又o岩o岩考到牌
咁就半賣半送咁送走o左佢, 換架TT

呢架TT玩o左好耐啊, 差唔多玩o左年半
改o左好多o野, 又喉又鈴又整晒好多av o野
個個friend都話佢型又夠響

o係擁有TT o既同時, 呢架M3都俾我寵幸過o架
佢一o黎到已經好正, 唔使點改已經run得好好
不過同佢做補養維修都唔平, 所以玩o左唔夠1年就送走o左佢

我唔係買3架同款唔同色咁癲, 我未有咁有錢
就算有都唔會咁買, 寧願買架super car好過啦
呢架SLK都幾好玩o架, 細細架..日頭開住蓬曬住太陽揸入石澳真係幾正
X'mas又可以開住蓬車住女友去睇燈飾, 好浪漫!

呢架波子CARRERA GTS真係好得, 又好聲又肯去 (當然啦! 波子喎... 波子都唔肯去就死得!)
記得有一日同個friend去行九展個車場, 見到呢架車幾新, 就無無聊聊埋去掂下佢
點知個sales又撩我試下佢, 咁好啦...見有時間咪試下囉

點知一試就上癮, 試完第2日好掛住揸佢o個種感覺, 放工又再去試多次
跟住同個sales傾個價傾o左陣, 就deal o左喇!
人生第一架波子就係咁衝動就買o左喇!

呢架S4亦都可以話又係一個衝動又買o左佢返o黎
有日又係無聊陪個friend行灣仔o的車行, o係show room一見到佢我就兩眼發光
好多人都覺得佢外表平平無奇, 但o係網上/車書成日見到佢改o左個樣, 已經對佢好有印象

一上到車, interior design得唔錯
問個sales可唔可以依家試, 佢又話可以, 咁就即試吧
試完諗都無諗即落訂, 車都未到就已經訂定喉同o的濕星o野改靚佢
所以到依家都仲留住佢, 總係覺得對佢有種情意結

呢架360係換票性質, 玩o左陣就賣
所以都無咩改佢, 其實揸佢都少
係有帶過佢出o的大場面, 屋企人結婚..借俾朋友影結婚相..etc.

呢架VW Scirocco R真係堅好玩
論外型: 車頭爬得夠哂低, 而車尾就微微升高, 頭低尾高, 典型跑車look
論內籠同設備: overall都ok...廿幾萬車仔...既抵又好用
試過我部車o既朋友相信都係呢個comments, 呢個價錢..歐洲新車又有齊應有既設備真係抵! 

D型呔盤, 又有golf gti 6代既中央台display連parking mode display,  桶椅又有暖熱功能ok啦!
7 Speed DSG, 再加DCC電子避震3個mode: Sport, Normal & Comfort
呢個function真係最正, 接女友放工or自己放工, 用Comfort真係最正又吸震
自己出去飛就用Sport, 又真係爆硬, 行highway一流! 一般黎計Normal個setting已經好好!

而部車最唔好o既地方就係個錶板, 老土o左o的囉!
手工方面不過不失啦! 車窗都開始有o的雜聲 (單門車通病)

遲o的有新車玩再update下!
yohoooo...又一day, bye bye!