o尋日玩o左成日, 今朝一起身個感覺好似打完交咁
同Nat食完個早餐就落carpark齊齊洗車, 一人洗一架
見今日落雨, 細牛同波子都乾淨靚仔就唔揸佢出去了

因為Panamera 4S新加入, 所以要將車車大調位
成朝o係carpark好似做o左代客泊車咁..哈哈!

呢2日有諗過Panamera 4S o黎o左就送走部911 GT3
始終唔需要咁多架, 同埋感覺有o的overlap

其實有o的心動想買架G55玩下, 一直都係玩開跑車同房跑
晏o的落Michael舖針針有無得試下先..哈哈! 
呢2日落雨, 都係揸返好耐都無掂過o既C仔先