[[ 感動 ]]

某夜 , 老婆婆左邊身麻痺入院 ,經過電腦掃描顯示右腦出血。
我如實話比老公公知 , 佢無出聲 , 只係無奈咁望住我 ,淚水已經湧現。
第二朝, 意料之外 , 老婆婆既情況唔係想像中咁壞 , 而且頭腦清醒。
 入院之後既第五日 , 老婆婆問我 : 呢兩日伯爺公點解無黎探我既 ?
 一個實習護士話比我聽 , 早兩日老公公突然心肌梗塞 ,
住左響對面既男病房。
兩老無兒無女, 最親既都只係姪仔。
今日, 姪仔帶左兩樽果汁黎醫院 , 先去探老公公 ,再去探老婆婆。
 過左幾日 , 老公公既病情剛剛穩定 , 就嚷住要出院照顧老婆婆,
經過一番溝通之後 , 主治醫生諗左一個折衷辦法 :
首先老公公換番自己既衫 , 坐住輪椅 ,由工友推到女 病房門口,
而為左安全起見 , 醫生護士都要跟埋老公 公一齊 ....
老公公蹣跚地企起身 , 手執果汁 , 走到老婆婆床邊 :買比妳飲嫁。
 老婆婆嗲起黎 : 呢幾日唔見你既伯爺公 , 咩事呀 ? 病左咩?
老公公微笑 : 唔係呀伯爺婆 ... 姪孫結婚啦 ,我要幫佢打點一下嘛。
 呢一個, 係我咁耐以來聽過最動人最感動既一個謊話。
 人生就好似變幻莫測既天氣 , 雖然可以預料 , 但往往都出人意表 ...
老公公既心臟日復日咁康復 , 準備出院那天 , 病情突然惡化,撒手塵寰。
 姪仔辦理完死亡證明之後就黎搵我 ,要求暫時唔好話比老婆婆知 ,
 因為老公公死前遺言 : 照顧伯爺婆, 唔好話佢知我既事,唔想佢受剌激。
 呢個時候, 無一個在場既人唔感動唔流下眼淚, 包括我 .....
 當日我巡房既時侯老婆婆又問 : 伯爺公D果汁喝晒啦 , 點解佢又不見人?
 護士強忍眼淚 : 妳唔記得左咩?
姪孫過兩日結婚啦! 老公公要幫手嘛。
 第二朝清早 , 我發覺老婆婆床頭多左樽瓶果汁,
聽到護士同老婆婆話 : 老公公剛黎過 ,
佢見妳訓得咁甜 , 唔捨得叫醒妳,放低果汁就走左啦。
當護士一轉身發覺我企響度既時候 , 立刻雙頰通紅。
 我微微一笑 , 拍左佢膊頭一下, 慶幸佢果顆愛心 ,不為歲月冷卻。
 當日下晝 ,護士長察覺坐響梳發對住窗望風景既老婆婆無左呼吸 ,
 我迅速跑去一手抱起老婆婆 ,再聯同護士將婆婆放上病床急救 ....
 搶救二十分鐘之後 , 我宣布失敗 .... 我一邊寫報告記錄 ,
 護士長走過黎同我講 : 估唔到妳咁大力 ,一手就可以抱起老婆婆。
 我只係報上微笑, 因為我已經唔想講任何野,我怕我忍唔住眼淚 ....
老婆婆的確好肥 , 但係好輕 , 因為佢既靈魂已經跟老公公飛走左啦..... 

已經有一段時間沒有因為一個小小的故事而落下淚了..,

是我的淚線有問題??

聽堂姐ss說,.我小時候是一個 [[ 喊包 ]]

不管是什麼事,..總之就是喊,,.,,喊,.,還是喊,.,,..

她們也拿我沒辦法.,

小的我是很難"湊",. ,,,,

難怪家人都不愛我,,,

一點也不可愛,.,.,.

一點也不撒嬌.,.,..

一點也不討人歡喜,.,,..

童年回憶 ?? 有 ?? 沒有 ??有?? 沒有 ??

快樂 ?? 不快樂 ??快樂 ?? 不快樂 ??

 李蕊你快樂嗎 ??