hahahahaha........

前幾日,因為問左鴨仔有無臉書,

之後有日心血來潮,

搵左鴨仔出黎,

不過無add到。

後黎鴨仔叫馬嬲add佢,

馬嬲add左佢之後就開始上多左臉書。

係度玩入面的遊戲,

有次鴨仔話向世界出發好好玩,

後黎馬嬲走去玩下,

一開始馬嬲都嚇親,

因為完全唔知d相係邊度黎。

不過玩下玩下,

隻馬嬲開始上左手啦,

玩多左十幾廿次之後,

馬嬲玩到滿分,

玩左一次滿分,往後都好易滿分,

就係咁,馬嬲決定玩到五次滿分就收手。

haha,馬嬲其實好開心,

無唸過可以係臉書到玩到第一出黎,

雖然係人都知一定唔只一個第一。

後黎馬嬲又見到懷舊街機王,

禁到入去,原來有食鬼。

一禁入去玩食鬼,

哇,馬嬲醒起佢屋企以前係有部食鬼街機,

馬嬲細個果陣同成班人成日玩,

搞到馬嬲好懷念以前。

馬嬲亦因為咁,

記番起已經好多年被佢遺忘係角落的記憶。

一種好好的感覺........

講起舊野......

呢排聽番舊歌。

記得最初我都係咁聽呀詩的舊歌,

因為其實果陣呀詩的歌我都無聽過,

首首對我黎講都係新歌,

更何況,果時的我根本分唔到邊隻歌新邊隻歌舊。

講番臉書,

後黎馬嬲玩左隻古惑仔online,

第一次禁入去其實馬嬲係即走,

不過又唔知點解禁番入去玩,

本來馬嬲以為鴨仔唔會玩,

所以無邀請到鴨仔。

點知第二日,鴨仔竟然邀請馬嬲玩,

haha.....

後黎馬嬲係鴨仔off左之後狂升幾lv,

到鴨仔on番見到馬嬲咁,

唔知有無嚇親,haha.....

就係咁,馬嬲就沉迷左隻古惑仔online到啦,

而且呢次又勾起左馬嬲的回憶,

就係....其實馬嬲係好耐之前係玩過真果隻古惑仔online架.....

搞到馬嬲有d想玩番。

不過緊係無啦....繼續係臉書到過下癮。

唔知馬嬲會唔會又好快玩厭呢....

其實,馬嬲玩厭左可能係好事,

因為馬嬲再咁落去,

真係日日都對住部電腦狂玩,

哂哂d時間。

琴日,馬嬲亂add左堆人做古惑仔的同伴,

又一次搞到鴨仔嚇親,haha....係掛...唔係都當係啦.....

因為馬嬲一add,就add左三十幾個人,

果日的夜晚六十幾人,

第二日盡九十幾人,

到今時今日......

馬嬲的add人態度好夠,

已經有百幾個同伴啦。

馬嬲係臉書盡收集左一堆襟章,

對馬嬲黎講,

d襟章盡吸引過幾百梳蕉,hahahahaha.........

馬嬲盡自己整左幾個出黎添。

哇....打下打下,

原來已經咁夜......

馬嬲盡未訓,

不過我訓啦......yeah......

對不起,但求不好笑亦不悶死。