好一個拖拖的黎,拉拉的去。

蛋仔話黎話左好多次,

終於有一次真係黎左,

但係我睇唔到佢踏入我屋企的門口的樣,

我錯過左佢入黎的場面。

蛋仔話走話左好多次,

終於去到今日佢走左,

但係我見到佢踏出我屋企的門口的樣,

我體會到佢走左的轉變。

個蛋仔漏左兩樣野......

一就係半包Tempo紙巾,

二就係一隻爆得最好的果隻松果.....

其實盡有架.....

就係佢漏低左半個暑假的回憶俾我,

攪到而家間屋好似好靜咁,

帶走左一份童真.....

難怪要留低佢d野做補償.....

蛋仔走左之後,

攪到我唔想做埋本數學暑期作業,

我做都係因為蛋仔,

我唔做亦都因為蛋仔.......

我無玩無間道同古義都係因為蛋仔,

我有睇倩女幽魂同怪醫黑傑克因為蛋仔.......

蛋仔走左就攪到唔知回復佢未黎之前好定照佢黎左之後咁好.........

睇住佢打日記,

未嚐唔係一件好事,

至少唔係一件悶事,

只要係我有接觸果樣野即係有興趣,

睇住人打或者玩都會樂在其中,

就係咁,我先至唔會悶同想訓。

對不起,蛋蛋國旗升左未?