4月1日愚人節,

原來,真係會被人玩架......

本來,約好左星期日係西鐵站等,

其實如無意外係我專登出去sai車費入西鐵站接佢地,

時間係9:30am,

呢件事係係星期五約實左。

3月31日,

佢地其中一個係msn同我講cancel左,問我知未?

之後我緊係唔知咩事架啦,

問佢做咩事,佢話係電話講,

好啦,之後係電話聽佢講,

原來呀A同學話聽日(4月1)要去拜山,

呀B同學就聽日唔得閒,

呀C同學就係話俾呀D同學(同我講電話果個)知A、B同學的事,

就係咁,佢地係我毫不知情的情況下取消左是次活動。

呀D同學話可能佢地唔記得左話我知啦,

咁我好愕然囉,

大佬,好似係我話有呢件事,

你地就好踴躍咁話「我又去」,

喂,唔好攪錯WOR,係我要接你地,

係我要招呼你地WOR,

你地可以唔同我DOWN聲?

呀A、B同學同左C同學講,

做咩唔同埋我講?

唔通到果日呀C同學唔知取消左行左出去先知,

白行一躺,損失左15分鐘內的時間好重要,

到果日我唔知取消左出左去先知,

白行一躺,白遊車河,

損失車費$19.7同時間30分鐘之內的時間就一D都唔緊要?

我唔明點解可以同哂所有參與的人講,

就係可以唔同主辦的講?

姐係到時你地個個他他條做自己野唔記得左我呢個人會等的時候,

我就係出面突登哂時間、錢黎等你地,

到左約定時間你地都盡未出現,打俾你地的時候,

先話我知「下,我地琴日話左取消左啦。」,

呀A同學可能會話,

「我講左俾C同學知啦,我以為佢會同你講。」,

呀B同學可能會話,

「下,我唔知呀,我同左C同學講,我以為佢會話你知。」,

呀C同學可能會話,

「唔知呀,我以為佢地話左俾你知。」,

追問落下,

可能呀A、B會話咁我唸住C會講,我點知姐,

C同學會話下!佢地都無同我講要我話你知,我以為你知架啦嘛,

最後,假如D同學無問下我知未,

我可能已經俾人玩完,盡要聽佢地你推我我推你咁狡辯,

好好野,以後唔洗再發起D咁的野。

成班無黎達殺!(無唸住黎唔話我知,一到達我面前就要殺無赦的人)

對不起,我佩服你們的"美"。