無錯,我而家好眼訓好想訓.......
但,我都係想更新下個XG.....
首先俾我自己個人咁記低一樣野先啦。
幾日前,唉...唔記得邊日,
我發左個夢,我淨係記得好少,
但呢D少少的一部份就係最重要最開心最想回味的,
我講到咁,其實我夢到咩都好明顯,
我記得的果一部份,已經係尾尾左右。
背景無,好似一間好大的房,但其實我只係見到一面牆,
我同菇仔坐係地下,我地坐得好近下,記憶中係傾住計架,
好快個畫面係我側側地背住佢的,
之後佢突然伸左隻左手上前微微橫跨我條頸(但係係唔掂住的..有段仔距離),
佢手上攞住部相機,鏡頭對住我地,姐係佢係想影我地的合照,
不過果陣唔知做咩我笑住咁得低頭向後過左佢隻手然後推開佢隻手,
佢都係係度笑,又繼續不死心想影相,跟住好似又俾我推開佢隻手,係向右推的。
最後我地都係影相,影完相之後畫面就去到我地睇番張相,(淨係睇到張相)
我係變左畑鹿驚同學既.....擺左個類似扮模型咁生生硬硬的POSE,
睇完就係遠鏡咁望到自己同菇仔,
我地就係度笑,因為我個POSE好好笑,
菇仔擺左咩POSE就唔知....印象中係個夢度都已經唔係咁清楚。
係夢度感覺上我地係好fd的朋友,我係夢入面都有呢種感覺。
我地好開心好開心咁,之後我就好似醒左定盡有D,不過唔記得LU。
雖然只係少少的回憶,亦都因為過左幾日都未打低,
有少少被我忘記左,希望之後我會記得番。
回憶消失一兩天、總好過發現我每日變遷。
好眼訓.....我想訓,但無理由唔打埋佢........
三年黎我都無試過係上緊堂的休息時間訓覺或伏低想訓,
但唔知點解呢幾日我就係咁好眼訓好眼訓,
最無奈係我第一次出現嚴重眼訓情況係係英文堂,
捱到休息時候伏低訓,真係訓著左,
但唔知過左幾耐之後聽到話咩休息夠啦起番身之類的野就自動醒左,
張開對眼,就見到miss au望住我,
我用手托住個頭唉係枱度佢又話起身啦,坐好d,
我換左左手托頭,個人稍為坐直左少少,
之後佢問我有無野,好似係用英文問我,
我搖頭。
佢走埋過黎望住我問有無事,我洗唔洗咩呀咁,好似以為我有病咁.......
我都係搖頭。因為我的確無事。
不過我就聽到右後面有人笑,唔知笑我定笑佢,總之就係笑la。
唉,被成班望住.......
第二日的英文堂我都係特別眼訓,哇,真係捱得好辛苦,
因為我真係唔想又被人以為我有事。
之後有日上英文堂終於唔眼訓,改左係地理堂,
之後最後幾個字等落堂等到我傻,
真係過得好長久好長久,我果陣發現我果堂所聽的書都係我識的以前教過的,
稍為深入果d我一隻字都無聽到。
我覺得我有一大半堂係瞌到淺睡的。
我一直都好想miss ho教番我,
因為我中二果陣佢教世史我已經覺得好好,
上親佢的堂我都唔會覺悶,
唔知係米因為佢講野的速度、頻率同聲線有關,
我好認真,唔係亂講,我可以發誓,唔好搵人誤會我老吹。
上佢的堂我就特別精神,總之就唔覺得眼訓,yeah!
唉....唔打啦.......好想好想好想睇21、22號的森小呀!!!!!
對不起,眼訓眼訓還需訓。
|
