哈,之前唔記得打,就係我終於係巴士到睇到木紋的MV,

可惜係無聲的......

唉,我明明日日放學都搭巴士歸家,都唔明何解就係睇唔到....

之前roadshow又係咁,淨係睇左一兩集,唉。

琴日終於收到hall1C的野啦!YEAH!

可惜一件TEE都無,好想買件hoccgoogooTEE.

唉,命裡有時終須有,命裡無時莫強求............

都唔知係唔係注定的,晚晚我都咁夜先訓,點解果晚會早左訓呢,

唉.....就因為早左訓,醒番已經"失去"左好多野。

yo!yo!廚房仔廚房仔..........

最近接觸番扭計骰,唔提唔知原來xx係有架,姐係我唔洗買lu,

不過奮鬥左一日都係搞唔掂.......淨係整到一個面。

呀xx就將佢復原左成三四次.......

不經不覺,盡有少於一個月就一年啦,

好唔捨得又好開心,到左十月二十六號光明日的時候,

唔知上年無參與過的我會唔會都心同感受呢?

我無機會分享佢的第一個個人紅館演唱會,真係有d遺憾,

假如我早識佢一個月,我唸我會得到更多。

我好想做到d野出黎,但係我無信心,

係過去幾年我無培養到一份勇氣,

係小學唔知幾年級開始我都已經發現自己係無話題,

我識講的都係廢話,一d無無謂謂的說話,

其實算係好啦,好過我平時無言以對,

好多時候人地問我野我都係拎頭,

因為可能我連自己都搞唔掂,對自己無信心,

從而就算有都話無,唔想令到人地錯,不經不覺建立左個保護網,

好微弱,只有我自己睇得到。

唔知點解,一對住未熟的人個腦就會實哂,

係完全唸唔到有咩可以講,生生硬硬咁,

相信唔係你地的主動,我唔會識到朋友,

當然唔計online的.......

講到待人、相處,我唸我連三歲細路都不及,

屋企人另計啦,

唔知點解,對住佢地係講唔停口,

就算嬲到話過唔再理佢,唔再同佢講野,最終都係忍唔住,

達唔到我想要的,我為的.........唔知咁是好是壞,

我只係知道,我再無辦法去得到果樣野,

世上除左情,原來總有樣野係就算有錢都買唔到。

偏偏我就係無.......我討厭從前無知的自己,咩都唔知咩都唔理,

結果搞到而家總算識多左好多野的我好後悔!

係我一手造成,定係因為無人在乎我的果方面而令到我有個咁的結果,

對我而言,我得唔到佢令我毫無信心,

我感到前路好迷茫,好虛無,

我總係覺得我會因為無呢樣野而令到我做不成........

我無同任何人講過我想做咩,

真係發現,就算同xx講我無左佢我會"前途無望",

佢都會滿不在乎。

無人明白的感受好痛苦,

當無人願意幫助自己,自己又無能為力的時候,

就好似一個廢人,無左夢想,

一字既之曰:等

二字既之曰:等死

三字既之曰:等轉世

四字既之曰:坐以待斃

我無呃你,我真係無呃你,呢樣野無論我幾努力都好,

我都唔會得到,唔係我自己識講唔識做,

如果做到的我都唔會好似而家咁。

對不起,原來咁耐都無update。