| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2006 年 10 月 20 日 星期五  |
| 惦念 |
分類: 未分類 |
一種奇妙的感覺,
離不開我的感覺。
突然之間,好掛住果日的髮型師,
唸起佢有一種難以形容的感覺,
好想見番佢,
見番佢好專心咁同我剪頭髮的時候個樣,
同埋走果陣佢個樣,
但係又唔想真係去果間野度,
點解會唸起佢架.......
明明佢又唔係好靚喎,
就偏偏有種好奇妙的感覺,
一個個畫面又重複浮現我腦海裡面。
或者係因為佢........
所以攪到我當時唔知點,
後黎又幫我........
攪到我又........
走的時候佢又.....
攪到我........
係外界佢應該係第一個,
第一個對我........
佢無必要........
但係佢就真係........
可能因為咁令我.......
好鍾意果種感覺........
若果可以遇到第二個.........
我真係幾生修道........
生存係呢個世徒險惡的社會.......
我真係好想有呢d人繼續存在........
想念那....的她......
對不起,我只享受回憶的過程。
|
| 2006 年 10 月 19 日 星期四 |
| 馬鞍山 |
分類: 未分類 |
如我所料去到無聊死。
我地班第一班出車,
負責去到果時霸爐。
係旅遊巴上玩左個耳蛾傳蛾的遊戲,
最後果次我盡記得係傳
「今日去BBQ,好彩帶左卷香芒白橙味的廁紙,
不過卷廁紙遇到甜的會變橙色、
遇到鹹的變藍色、遇到酸的變紅色、
遇到辣的變粉紅色、遇到苦的變黑色。」
盡以為嬴硬,
點知最後話一個都唔中.....唉....
呀sir...俾天收啦.....講笑姐= . =+
所以攪到呀sir要唱歌。
後黎去到未落車就見到一堆黃色鴨仔兵團,
哇....多到丫......d爐又俾佢地霸哂,
幾經"辛苦"先有人讓個爐出黎俾我地,
不過未讓之前,
果個爐有個好樣的人坐係度,
我個fd問有無人之類的野,
跟住佢話咁我係米人丫,
d fd都話佢好串,
but...我就唔知點解要當佢係人啦。
後尾有個天使姐姐話讓俾我地!
講真...所謂的天使應該都係好d咋......
之後我地發現真係買錯碳,
買左d燒極都燒唔著的環保碳,
本生係我負責透爐架嘛.....
種種原因攪到想威下都唔得......(都係講笑)
後尾轉轉折折總算係有火俾我地燒,
xx同xx燒到d野變左舊碳.....笑死.....
到左十二點左右,
有人話叫d組長去miss度報到,
於是我叫左我的組長去,
我陪佢去到,
佢同miss講「d人齊,無野。」之類的野,
咁就報完到,
我地超無耐咁行番去。
之後,我地唔燒落去,
miss話用水將火淋熄,
我就俾人叫左去用汽水樽裝水,
裝完番黎淋啦......
一大陣白煙係咁冒,
頂,淋完俾個小學老師鬧,
話咩「同學!唔好用水淋d火,
咁係會有化學反應,會噴d有毒氣體出黎,
而家唔興呢樣架啦,由佢自己熄就得架啦!」
佢前後講左兩次而家唔興呢套架啦的野,
唔係對住我,
但都好無辜,大佬呀...唔洗咁串掛......
係個中學老師話咁做,
我呢d卒仔先照做咋埋,
同卒仔講無用架,
米係米都搵d卒仔黎攪啦,
果日已經俾人鬧左N咁多次架啦,
係度火上加油,
自己d學生又唔見你理咁多,
佢地又係咁做,
盡成支蜜糖係咁倒落d火度,
見住d火剎那間超大跟住無野,
又倒,又黎超大火,
係到玩火,d火大到自己都唔認得。
後黎玩全班的集體活動,
被人迫到去最後,
全班最好人果個先俾我入"隊",
不過都已經係最尾果五個,
之後俾人畫臉,
係咁抹都成"答"紅色,
攪到好似俾火燒傷/俾人打/臉紅(排名分先後),
maybe係我第一次俾人畫臉,
第一次俾d唇膏整係塊瞼度......
不過呢件事無咩感覺,
無話咩點。
我淨知做咩都唔岩.......
點都會俾人話,
例如:xx話整散dd碳,
跟住幫手整散左,
後黎xx又話做咩整到d碳咁散,
我話xx話整散佢,
xx就係都要我加番d碳落去,
我就加啦....加加下,
本身話整散佢的xx就話唔好加呀,
做咩加落去呀,
跟住我話xx叫我咁做,
叫我咁做的xx又話整番散佢啦,
好似係我自把自為加碳咁。
d女人真係好難服侍。
好啦,之後無野,
但係一樣都繼續俾人話,
或者...我唔鍾意咁,
細細個係學校就好乖,
唔知點解好唔想俾老師或者其他人話,
所以都無咩去得罪人,
偏偏都會俾人攞黎鬧,
尤其係d老師,
我真係好唔想俾人鬧呀,
唔好鬧我啦,我頂唔順架.....
若果真係我的問題,
ok,鬧囉,唔係的唔好攪我啦......
我唔想做壞人,
但係點解d人就係要我做衰人,
係要係我背後講我是是非非,
講左成年都唔收,
明明三唔識七都可以係度話我既,
我無野好講,我係米踩到邊個條尾呀,
點解會無啦啦唔知情咁俾人講。
唔講啦,費是又攪d咩野出黎。
做好人難,做忍的人更加難。
旅行?唔好攪啦,
好似平時咁盡好。
對不起,我早已失去真善美。 |
| 2006 年 10 月 15 日 星期日 |
| 髮 |
分類: 未分類 |
今日出左去攞耳藥水,
之後去左元朗剪頭髮,
某某帶左我去間「絲髮軒」個名好似係咁.....
之後間野又細又咩...攪到我唔想入去。
跟住就去左上髮廊度,
d老餅真係好老餅又樣......
攪到我又唔想入去。
之後係對面有上次去的「勁髮廊」,
同埋某某話細個果陣去過果間「8000」唔知咩野搬左黎,
間「8000」上面又有間「人氣髮」,
「勁髮廊」就唔簡啦,
「8000」.....細個剪頭髮應該剪過兩次,
兩次都唔好睇,
嚴重打擊我對髮型屋的信心,
so......「8000」我都唔多想入去。
後尾行左上樓,
上到去「人氣髮」門口,
唔入又好似好唔好咁,
所以入左去啦。
(係出面果陣見到個男的,個嘴附近有穿環,不過唔知真定假。)
跟住果個果的係幫我洗頭果個,
俗稱「洗頭仔」。
洗完頭無耐,
有個女人上左黎,
戴住頂藍色的帽,(唔係鴨嘴帽...)
綠色衫同黑色褲。
之後無理佢啦,
個「洗頭仔」幫我抹完頭之後,
叫我等一陣,
攞左d雜誌黎,
但係我揭黎揭去都無野想睇,
睇睇下一張黃色的"o既野""禽"左落黎,
抬頭一望,就見到鏡裡面有頭先上黎的女人。
佢攞左個風筒黎同我吹啦,
吹左無幾耐佢整下佢頂帽....我無記錯的話......
跟住佢因為係度整,
無郁到個風筒,
好快我就縮開左,
再唔縮我驚我真係栗左....
愈黎愈熱......我受唔起......
之後我縮左縮佢就再郁番,
不過好似都有攪攪佢頂帽定頭.....唔知la。
吹呀吹,讓這風吹.....
吹完之後佢就剪啦,
開始左無耐就有個電話打黎俾佢,
聽到佢個鈴聲係.....唔記得左.....
台灣唔知邊個女歌手的唔知邊首歌.........
之後佢行左去右邊攞電話聽啦,
跟住又行去左邊窗位,
話咩唔知咩稀客....唔記得左....
傾左陣就收左線。
剪剪下,又有個女人上左黎,
跟住個髮型師就同佢傾啦,
一路傾一路幫我剪,
無耐就勸左佢落去食完飯先上黎剪啦,
之後就繼續同我剪.....
佢果陣俾我的印象係......
剪下剪下,佢剪我前面d頭髮,
行左係我右前面剪啦,
跟住就見到佢隻手同某某之前一樣係又腫又爛。
(唔知你地明唔明,不過算啦= . =")
剪完後d頭髮又短左啦.....廢話.......
五十二蚊,之後出到門口戴番眼鏡。
係啦係啦.....唔知點解我入到去坐底之後,
除低左眼鏡覺得好睇好多.....
不過剪完就唔覺啦.....(之前都唔覺.....係今次的感覺唔同)
剪完頭我覺得好似細個左咁個樣.....
唔知點解最後對個髮型師改觀左。
對不起,栗一燒我吃不起。 |
| 2006 年 10 月 14 日 星期六 |
| 爆牙 |
分類: 未分類 |
十月十日,耳仔唔舒服;
十月十一日,耳仔無咁唔舒服,喉嚨開始發炎;
十月十二日,耳仔無事,喉嚨就好唔舒服;
十月十三日,評估期間打噴嚏,噴左d鼻涕出黎;
十月十四日,食食下叉燒,隻牙爆左。
根本不可以話黑色星期五係d咩,
簡直係黑色星期。
注:我唔係因為食叉燒攪到隻牙裂開左一半。
爆牙當晚,其中一半俾我整左落黎,
後尾發覺盡有好細隻碎牙腳,
之後俾我整埋落黎。
而家隻牙剩番一半,
呢一半係大果一半。
食飯的時間去左睇醫生,
因為我猜輸左,呀........!!!
我唔係睇牙醫= . ="播..記住。
後尾話聽日去醫院攞滴耳的藥水。
返到屋企好肚餓,
跟住又食叉燒lu~!
對不起,黑色星期發老脾。 |
| 2006 年 10 月 10 日 星期二 |
| 耳仔 |
分類: 未分類 |
頂,打緊日記整呀sir話要整的野,
整完開番睇下得唔得,
就同我神機,x!
攪到我打左d咩都無哂,
而家又唔記得打左咩,
食食地的....
有隻賤野唔知幾時飛左入黎我隻耳度,
好鬼狗成兩個鐘都唔出黎,
我唔想我隻耳聾呀.......
好唔据......打左d野又要神,
攪到要強制關機,
咩都無哂.......xxxx.......
我隻耳無啦......
係咁係入面震,
大佬呀......唔好震爆我耳膜呀,
要震就飛番出黎震死佢啦,
係我隻耳入面好開心咩,
死都唔肯出黎...x......
對不起,好想將佢打死。 |
« | 18 | 19 | 20 | 21 | 22 | 23 | 24 | 25 | 26 | 27 | ... | 32 | »
|
