今日早上8點就已經起左身了,
之後就坐老豆車去怡心園車埋家姐, 姐夫,
再去寶琳放低我地, 轉坐哥哥車,
之後車左幾個人喇, 就出發去九龍灣德福,
去到果到食早餐, 買水 ~~

買完之後就出發去國際貿易中心,
之後就開店賣野, 一路賣野一路玩,
勁好玩哩, 不過今日哥哥都有黎到,
賣到6點幾就走, 海報一張都賣唔出, 笑爆 ~_~,
家姐的畫冊賣左三百幾本 勁...勁...
大佬的薯條人賣哂, 多謝我地的Sales 口號 ~~

賣完之後就去左APM 到食飯,
本來約左BeBe 佢地的, 但估唔到會賣咁耐,
加埋咁多人坐車走... 無耐坐的士去觀塘,
如果又坐MTR 去長沙灣, 會浪費太多時候,
所以就約左佢地星期日再出黎玩 ~,
食完飯, 就上左家姐屋企到拿手信,
之後就數錢, 同埋數書, 傾計,
10點幾阿洪叫我落去傾計,
我就落左去傾計, 傾到12點幾,
老豆就黎左車我番屋企 (因佢咁岩番屋企)
番到屋企已經12點半了 !!!