可能最近都唔係好夠訓, 所以日日番到學校都係8:3x 分, 差少少遲到 0 0", 我番學校的時候都仲未黑雨的, 所以我都係繼續做我平常做既野, 只係Lunch Time 時間比較忙, 因為天文台出左黑雨, 有d 學生家長黎接學生走, 而校工又要去整hall 漏水果到, 我就要幫手守下校務處, 仲有2點左右... 因為梁書記忘記了留飯給校長, 所以我就出去幫校長買飯, 番到黎已經係2點半了, 過左無耐就係課外活動, 我就去左美勞室同余Sir and 班學生係到玩UNO, 出牌出得慢加5隻, 出錯牌加5隻, 冇叫UNO 加5隻, 玩左無耐就放學了, 因為玩的時候... 永遠都係過得最快的... 但當我睇清楚有咩學生, 原來BeBe 係到嫁啵, 佢好似好唔開心咁, Lunch 的時候已經聽說, 佢在課室到喊, 希望佢冇事啦..., 之後就繼續留守電腦室睇住班學生, 今日本來心情都唔錯的, 所以在得閒的時候, 係到諗BeBe 同 Rain 的東西, 唉... 佢地兩個都唔知點 = =, 一個摸唔出佢係咪想同我做朋友, 另一個就本來同佢分憂的, 但有事的時候就.. Cut 我線... 仲有吳x儀, 佢整爛左魷魚送比我果條風紀帶, 我最僧人整人地送比我的東西 ..... 仲仲仲有Rvby 說不要同d 女仔咁熟, 唔係又會比人炒魷魚, 當所有事情出現係我腦海到盆回, 我個心情就極之唔好.., 咁岩... 菜包佢地係到玩, 玩到去開電腦室後面的櫃, 整到我發左火 = =, 但之後我唔係咁想講野, 都冇罰佢地, 就笠野趕走佢地落去睇佢地馬戲...

　今日馬戲好似有d 冷清, 有兩個人冇練, 5點50分左右, 佢地練完, 我諗住今日都會早d 走, 因為說左唔會同余Sir 一齊行, 點知今日BeBe 仲早過我走 ..., 唉... 真係唔知佢諗咩..., 但我都冇同余Sir 一齊走就走左, 出到去見到MiKi 同 Cherry, 咪同佢地一齊走, 之後就坐地鐵番坑口果面, 去到果面就去買麵包, 準備明天的早餐, 打比阿媽, 佢叫我等埋佢地, 叫我去買鞋先, 因為唔係咁開心, 咁我咪周圍行囉, 一開始冇睇鞋, 只係去買野食 ..., 拿住個Notebook 勁重, 但我都行左成個鐘, 點知... 我阿媽自己去左游泳, 得我同我老豆係到睇鞋, 加埋去吉野家食飯, 今日買左兩對鞋, 一對用黎打籃球的波鞋, 一對就係送比老豆的鞋, 就黎父親節, 咪買對鞋比佢, 等佢開心d ~

　番到去屋企, 睇番日記, 仲有同Rain 玩MSN, 同埋add 佢入好友, 因為佢最近整左日記版, Rain 都在我買鞋的時候打電話黎講對唔住, 所以我就原諒左佢 ^.^, 如果佢唔講, 我可能就唔同佢玩MSN = =" (我係咪好現實...), 仲有ICQ add 左BeBe, 本來唔想add 的, 但因為睇到日記版到佢回左留言, 說佢只係最近唔開心, 唔關我事, Maybe 我多心啦, 所以就add 佢ICQ, 之後傾多幾句就沖涼訓教...