先祝豪兒生日快樂啊∼雖然又真係早左少少ge！哈哈∼

今日我跟小豆同豪兒預早慶生∼行程都滿豐富ga∼路線如下：信火 -> 潮特 -> 先達 -> 新豬城 -> 去Hut食 -> 懶豪坊 -> 屈人寺，出血呀∼真係！先響信火地下買左條令令的『拿鐵熊電話繩』，因為尋日換左部新手雞嘛！結果出左邊部？咪就係『落機亞』的6500s囉∼但其實我係一心想出6500c的！可惜6500c又冇得掛電話繩同插外置記憶卡丫∼不然，它就是最完美的手雞了！另外，在先達同新豬城淨扭蛋都洗左一大筆呀！但鬼叫d扭蛋咁史吸引咩∼攪到我忍唔到手．．．最後，又響懶豪坊又敗左盒碎粉，好似小豆話齋，都唔明我點解用碎粉用得咁快ge．．．我自己都唔明！嘆氣．．．

另外，今日去Hut食，叫左扭扭批、田螺焗薯蓉、小食拼盤、鴛鴦海鮮意大利粉！看上去唔係好多野食，但其實係好多野食ga∼因為．．．個批係大批，我地三個女仔一人食兩塊都仲有兩去淨，結果要豪兒打包回家孝敬阿姑媽！小插曲是在我地食野前的例牌動作，拎哂d仔仔女女出黎同d食物及我地三個人大合照．．．結果引來途人的『艷羨目光』！hey∼d人真係少見多怪！