今日終於都考完英文，永遠都係唔識，

亂咁黎，每次考英文之前都係最辛苦的，

唔似工數物化咁可以計出黎，

一定要人背，好唔爽，真係好鬼唔爽，

每次考個陣，又會好後悔，

點解自己唔溫唔背哩＝。＝！

考完，輕鬆哂，雖然仲有個電功小考，

不過我知哩科當唔當我都無咩所謂，

當然無其它科個陣我會溫啦，

但係個一個鐘我係度發呆＝。＝！

享受考完英文ＧＥ快感，無比舒暢，

之後系主任請食飯，ＷＯＷ，正野，

又食日式炭燒，同學帶埋佢女朋友黎，

我想自己燒黎食都唔得＝。＝！成個爐比哂佢玩，

但係燒完個樣係好靚，ＢＵＴ唔係全部都全熟的，

但係無理由佢夾落黎我唔食＝。＝！

雖然有人幫我燒係幾好，不過炭燒唔係應該燒係其中一個重要ＧＥ過程咩？？？

不過都唔錯，唔洗成日都睇住個火，

想燒個陣就羅個夾黎玩下，ＨＡＨＡ！

食完都預左會痛，估唔到食緊已經肚痛啫。。。

雖然唔夠上次家聚個度多野食，ＢＵＴ都好正，

最重要係唔洗自己比錢！！天日又要練車，

希望努力Ｄ，快Ｄ學識基本野先！！！