今日我地有ＧＥ賽事係小龍（小龍１３人，大龍１９人），

落咁大雨，我以為應該會取消，

朝早落到晏就，無停過，

四點幾個陣停左，呀，原黎耶穌都仲幫緊我地，

出去食飯，食緊飯個陣個老板娘同我傾計，

ＨＡＨＡ！可能得我一個係度食飯啦，

不過我係唔知點解佢知我係僑生哩＝。＝！

無咩可能記得我掛，一星期先食兩三次，

佢問我澳門個Ｄ係咪會有雙重國籍︿︿！

之後又話台灣甚麼都不是，

＆ＴＨＥＮ，傾左完落雨，ＯＨ，

我點去比賽，不過老板娘話借把傘比我，

大雨，結果都係要賽，唉！

之後就等齊人就去安平，

咁大雨估唔到都咁多人，

真係估唔到，不不過好彩我地到個陣停左雨，

超好哩︿︿，之後熱身，

差唔多開始賽，隻腳點都係會脾脾地，

同籃球同跑步都係，ＨＡＨＡ，緊張ＭＡ，

點都會諗，到底會點哩，

不過同以往ＧＥ一樣，當開始前三十秒，

就會集中精神，緊張ＧＥ心情會忘記得一乾二淨，

落船啦，望到個河，岩岩落完雨ＧＥ河，

真係乾淨到不得了，所有ＧＥ垃圾都飄哂出黎，

望住個河真係超嘔心，如果可以望住廿秒，

咁佢真係好屈機兩條龍，望住對面個隊，

最細隻果個基本上都係比我地最大隻果個大隻咁濟，

咁.....我地唯有全力以負，

一聽到聲，十槃大力，十槃快，十槃長深很，

記住哩個方面拉，一開始十槃就係用黎拉郁隻船，

用力，用力，再用力，十槃過後發現落後唔係太多，

之後再拉十槃，已經忘記了要快，

只記得要跟齊前面，所以就一直拉一直拉，

成條龍１３個人都好比心機，

大喊大叫，頂住，仲差少少，齊Ｄ，

１　　２　　３　　４　　５　　６　　７　　８　　９　

係咁喊叫，拉到中段開始我已經無咁多力啦，

見到人地快左我地半隻船以上，

真係想放棄，但係望到大家都好努力，

點都要頂落去，隻手撞左幾多次船身，痛，

但係都要頂硬上，唔可以咁易放棄，

好多野當你一想放棄好容易，

但最後覺得可惜ＧＥ永遠都係自己，

未到終點前，都永不放棄，

兩分零五秒，全程將自己成身ＧＥ力都用哂，

雖然比對手慢左十秒多，但係都好開心，

回頭一看，我才知道原來同我地比ＧＥ係上年冠軍，

之後我地比上年都快左五六秒，

上完岸之後大家都在討論今日點，

總括黎講我地仲可以再快，因為我地只得頭廿幾槃係齊ＧＥ，

之後都好亂，我就剩係聽到哩Ｄ，

因為我發覺我好頭暈，知道就快撐唔住，

跑步打波所有ＧＥ比賽都未試下過會咁樣，

再過多陣發覺視線不清，開始越黎越蒙湖，

明明張大隻眼，再係咁搖頭，

結果真係睇唔到野，黑色畫面，

我心諗，唔通我要去救護站＝。＝！

我隻手亂摸終於摸到個人ＧＥ肩，

就慢慢坐左係地下度，終於過左廿秒左右ＧＥ休息，

隻眼慢慢由黑色畫面變返暗黑，

再由暗黑變成蒙湖，繼續坐左幾分鐘，

最後要一齊加油先起返身，不過都係唔多掂，

就坐多陣＝。＝！見我可以打日誌當然無事啦，

之後佢地話食野，不過我覺得休息好Ｄ︿︿！

經過今次，我發覺自己力量真係好少，

完全係瞬間爆發個Ｄ，爆長Ｄ都唔得，

兩分幾鐘要用盡全力咁去，真係好辛苦，

練習個陣覺得攰真係可以唔爬，

但係到左比賽，好多野都唔係靠力量，

而係靠大家ＧＥ信念！！！

今日受傷好多，落雨天真係....

第一次會出現黑屏ＧＥ畫面，

我係一名潺仔，

隻手因為與船相撞幾次，損左，

隻腳因為之前打乒乓波跌親流血個度，

因市政府話哩條河Ｄ水只屬於輕度污染，

結架個度會作濃，輕度污染ＧＥ勵害之處，

天日仲有兩場比賽，唔知自己可以出幾多場哩，

天日唔要再出現黑屏＝。＝！！！