終於到左最得GE一日,今日要人好早返去靈修,

但係我卻唔可以咁早訓,因為要作個人見證,

引言,作了,但好似唔多岩咁,之後又要接受主以前的生活,

又作了,之後作幾時見證,這個最簡單,不用想,

之後到接受主以後的生活....想了很久,

變了幾樣野咁,作左d又好似唔多岩咁,

又再作,...結果又唔知點結束好.....算了,兩點半,睡覺去...

七點鐘鬧鐘響完繼續訓,幸好MARIO七點十五分打黎,

能夠岩岩好係八點鐘返到去,

去到一開始為呢幾日GE需要祈禱先,

之後分組查經,然後就食早餐lu,

休息一陣又上禮堂度短詩後信息時間,

繼續接住之前個幾堂所講ge野,

今堂講要有愛眾人的心,我發覺真係唔會有人會有呢一點咁^^!

朝早淨係上一堂課,呢堂課要六樓,即係比周會更加勵害的堂,

不過幸好沒有鄭那個那種人物在場,所以成堂就同阿琦係度傾計,

估唔到可以同佢咁好傾的^^!落完一堂就開始食午膳ge時間,

食完飯就已經一點,有半個鐘ge休息,就上左辦公室度開始寫返我ge個人見証,

抄得一半多d,就已經話要入去禮堂,入到去入面係短詩,

因為係短詩,所以唔理佢,而且咁岩坐係個佢睇唔到我ge位度,

我就係咁唸係咁作,終於係佢話上課室前五秒做完,感謝主所賜的時間,

之後又上課室上堂,頭個三堂講完四律個本野,

之前講到如果你係選擇的過程中最快完的是基督徒,

那麼上了這一堂之後,就砌砌底底的改變了,

如果係基督徒就會帶你進入另外一本度,就係『聖靈小冊子』,

真係引唔住笑左下,之後又同偉文係度練習下呢本野,

不過都係玩ge多....之後無小休直接上去六樓上堂,

又係周會堂黎的,不過又係同阿琦坐,沒法了....

開始個陣都傾左陣,不過比人望住^^!haha!

咁就係度聽佢講啦,落堂都好耐先落,

不過我並唔係無聽佢講的,呢兩日上六樓我都有抄筆記,

而另外個四個同我一齊坐ge= =,佢地一個都唔抄添啦,

次次都抄左一版紙唔少野!!!之後又無小休,直接落去上今個營ge最後一堂,

最後一堂係『怎樣做個人及教會策略』,講到點樣用加法同乘法,

跟住就寫下你想身邊ge人信主ge名,我當然有寫啦,

強,豪b,板,眼鏡,迷彩,肥然,真係希望有一日你地都可以同我一樣咁樣信主,

雖然我知會係好勤難,但係總有一天我相信你們會知道主的大能的,

我不會勉強大家要信主,我亦唔會話無時無刻咁樣去同你地傳福音,

只需要繼續做我的好朋友就足夠了,我知主會比時間大家去明白一個基督徒的生活,

係比你現在生活得是更精彩更豐富的,雖然真係會受好多ge約束同管理,

但我真係希望有一天大家都能夠來到主ge面前啦^^!!!!!

上埋呢一堂就終於都上完lu.....之後就到左閉營禮^^!

每一班都請左一兩個人去講佢在這次的營會中學習了什麼,

講完又睇下邊班去祈禱室最多個一班,原本係中一班的,

我班ge班長以為係我地班就出左去攞^^!haha!

之後各級影相,我地最尾個班影之後又大合照,明明一開始聽到佢話初級大合照,

點不知全部人都出哂黎,逼爆左= =!上去上面影左半個禮堂....

之後就去晚膳lu,晚膳完又到短詩,跟住到今個營會最好ge一晚-----『特別之夜』

係頭個幾次訊息ge總結,亦都講得好正,

聽左好長,笑左都好幾次,

最後叫人出去做全職或半職個陣,有好多人都好感情咁出去,

其實我雙腳都有小小不由自主的,

但係我唸到....雖然我知道服待主係好重要,

但係我亦明白到,我要有我自己ge目標,我要有我自己ge理想,

我知道主係唔會介意的,因為就算係咁,我亦會為主服待主的,

或者我長大了會更加明白吧!!!!!!!

之後見到咁多人上去都真係好感動,跟住仲要唱『所所有奉獻』,

逼使人ge眼眶都紅了............