為左今日ge開放日,個個都做到好忙,

日又做夜又做,係咁係度趕d報告比佢,

真係好攞名,有d頂呢個開放日唔順,

不過...終於都到左開放日呢一日啦,

個個都已經將要做ge野,要交ge野都攪掂哂,

開放日,故明思義係讓出面d人,

入黎睇下你學校有d乜野可以show比出面睇,

等人地知道你間學校ge『料』到底有幾高,

今曰十一點幾返到去,就上左三樓,

今日落雨,其實唔落雨ge話....個操場仲有無野玩ge呢,

有三樓,有四樓,有六樓,有地下,開放左咁多個地方,

而上一年淨係開放左一個地下,上年真係無野好睇^^!!!

上到去三樓,去左丠冀先,有中文室,有數學室,有課外活動,

有英文,有小學部,間間課室都開哂,嗯!!!

仲記得第一屆open day個陣,一樣都係開哂咁多個室,

而且仲有體育室玩乒乓波添!!!幾過引!!!

今年一樣都幾大,個個室都有好多好多ge報告,

盡顯浸信人忙碌ge特色.....之後去左英文室度哿君唔係度,

就去第二度搵佢,一開始出左對面先,三樓ge另一邊係幼稚園區,

個門口,嗯!!!說真的,真係好靚,入到去,嗯!說真的,一樣的美,

雖然知道全都係d miss學生整ge,但真係好靚,

比起其他個d地方,真係靚好多,而且係呢邊亦都會係最開心ge一邊,

因為呢度有好多小朋友,個個都好鬼可愛^^!!!

之後又上六樓,一邊係理化生,個走廊度前幾日整左d野比人玩,

入面d室都係咁樣啦,化學好似都係做實驗個d,

不過就比第一屆個陣少左好多人幫手,今屆每個室都係得三至四個人度,

而第一屆每個室都有成七八個人咁多....可想而知第一屆浸信搏哂老命,

而我都係係出面睇左兩睇,都無乜點入到去入面睇,

而生物竟然搵人湯魚= =!化學實驗= ="!,物理入到去有d燒蕉了的味道= ="!

三個室都有d恐佈感ge存在....仲未搵到哿君= ="....

去埋對面,六樓ge另一邊有電腦室,信仰室(大約係呢d啦),史地室,

另一邊差唔多無人行過去...唔知係未因為有校長室ge關係,

入到去最入果個係史地室,全部都係報告的,,,

每次睇住d報告...就會令人唸到學生們要多麼趕工交級他,

成日都話我地大把時間做,

但係成日都唔識講科科都有報告,日日都有測驗,次次都比家課.

又唔見佢地會講呢三點喎....

不過史地室望上去那個太空算係幾靚的^^!之後都係搵唔到哿君= ="...

又走返去三樓......又走黎走去走左陣....發覺原黎係浸信玩捉迷藏都幾好玩,

畢業前可以一齊玩返個都可以...如果大家夠膽玩ge話^^!!!

之後得返地下未搵過,係樓梯個度見到哿君同豬媽媽,

終於搵到...要個有小小上下樓梯不方便的找...

真係有點兒辛苦....之後又上三樓的英文室度,

未介紹呢層添!!!未參觀..所以先介紹英文室啦,一堆堆精美ge報告又係攞哂係度,

不過每次睇到d報告...都係令我唸起做報告有幾慘痛的經歷= ="!

而隔離就係我班ge同學仔^^!有雙子洋,寶盈同埋老馮識ge,仲有畢左業的學長們,

講聲:學長們你好!佢地係自彈自唱的,全都係英文歌,

真係幾勁,自彈自唱ge子洋同寶盈真係幾得,而另一子洋雖然唔彈得,但唱得....

兩個可彈可唱,一個唔彈可唱...記住返去彈瓜佢兩個同埋唱衰佢兩個,

而另外果個記住唔彈得佢,只可以唱衰佢,而且佢唱得比較好,可以唱佢唱得勁d,

我今日返黎ge主要目的終於都要講出黎啦,就係為左拎部相機返黎錄底佢地ge精彩瞬間^^!

唔係因為要錄...我都唔會錯過今日太陽塞爾特人ge比賽= ="!幸苦了龔偉都!!!

錄完之後佢地就收左一陣間ge皮,而我亦都開始去玩我ge遊戲lu,

三樓呢邊係有中英數啦,門口個度就有一d遊戲玩,但係因為遊戲內容涉入英文,

所以我就放棄了該項任務,直接進入數學室,入面無睇到四周,只係直接玩遊戲,

有三個柱,有五個三角形插住係入面,要將佢地移哂去另外一支拄度,

但係細ge唔可以踏住大ge三角形,就係咁簡單,所以唔洗唸就將佢氹哂去第二支柱度= ="!

數學室....真的很過引咁吸了一個印比我^^!之後就踩左去中文室,中間仲有間課外活動,

但係無入去到參觀,有d可惜添....之後個中文室度猜迷語,肥潘幫了我一把,

之後就入去第二個中文室度同mi甘吹左兩三句,就去左隔離個邊ge幼稚園室度,

又見到哿君同豬媽媽,咁我就拉返佢兩個入去入面,因為要吸印,

但係幼稚園入面ge遊戲,應該好岩哿君玩的,所以點都要拉返佢入去,

入到去開左好多個室,得一兩個室無開,果個室係睡房,哿君話好靚,

因為間房入面我見到有d樓梯,有好多床,而且個天花板,

真係天花,有天空,有雲,如果細路仔眠底,真係好易訓得著...

難怪哿君會話呢個室好靚...可能同佢屋企一模一樣^^!!!

之後就入左去入面個室度玩環保什麼什麼,總知就係攞d野黎切一樣野出黎,

哿加叫我攞個廁紙筒,我淨係唸到做架車出黎= =!而佢唸到做機械人= =!

到底邊個ge想像力較豐富.....之後又攞疘一d材料咁啦,豬媽媽又係廁紙筒,

唔通姓劉ge...個個都會鐘意廁紙ge???定係鐘意個筒呢???

我唸左一陣....都係唸唔明點解姓劉ge咁鐘意廁紙筒,唔理啦,

佢地話要乜攞比佢地整,不過佢地真係幾投入的,

而我亦都襯呢個機會,出左去幼稚園個門口度影左張相,因為真係幾靚,

又入其他室度參觀下,個個室都整得好靚好靚,

如果永遠都能停留在小孩的時光中,該是多麼美好的的一件事,

哿君實在太好了...到依家都仲係比人話係細路女= ="!

我應該笑佢定係點呢...唔知.....唔多清楚!!!!!

之後入返去繼續睇佢兩個做....做左出黎^^!!!

haha!!!哿君那個真係幾似d細路仔做出黎個d咁ge樣,

而豬媽媽果個我就覺得...可能佢加左好多一片片個d落去,

令到佢變得唔似一個細路會花心思落去做ge作品,不過兩個出黎都係一樣,

始終都係用一個『廁紙筒』黎做,都唔差呀^^!之後攞左一張卷,

要攞哂四張卷先可以玩遊戲^^!就入埋其他個d個度睇下做乜,

原黎其他個d都係參觀就比你,有一個係睇電視,見住d細路仔個個排排坐咁坐係度,

真係好鬼死正!!!之後就玩遊戲lu,,,分類,講真呀...

佢唔貼住張紙,我真係未必識得分類,玩完攞埋禮物發覺係呢邊都好似好耐ge時間,

今屆開放日新增幼稚園呢個室真係增添不少色彩^^!!!!

之後返返英文室又係度錄過,到左點幾佢地去食野.....我地就走lu.....

今年呢個open day!!!我覺得都算過得去,或者可能係我未參加四樓ge音樂同藝術啦^^!!!

不過就唔多夠熱鬧咁....浸信千幾人,得咁少,,,應該都幾多人無返的,

或者可能我都係高三啦^^!最後一年,想乜都做過咁^^!!!!

希望浸信下一年open day都會攪得咁好玩啦...係比同學一個舒緩壓力ge一日,

不過我三屆都無睇到文藝晚會,淨係知第一屆好似話好正,

今屆唔知正唔正呢???浸信加努吧^^!!!!!!!