今日考電腦...琴晚都溫到點幾兩點...

做左個九九...朝早又溫左陣....

發覺d填充真係好那個....識得個三四個= ="!

之後d php算係做哂啦...不過覺得題題都會有小小錯...

不變的定律,九九乘法琴晚做左次,但係測驗個陣都係重新唸過,

而且發覺短過琴晚做ge成倍咁多= ="!其他個d都係亂吹,

但係會覺得有六十分以上!跟住就兩堂中文,

一堂無聽書,一堂生日會,超正^^!!!!

真係好攪笑!!!!咁樣就玩左一堂,真係幾爽!

之後就去食飯,雖然都係多飯,不過佢真係好鬼甜...

所以效法左阿強的做法...haha!!!!

食完中午又係度溫下聖經咁,因為晏就第一堂又考,一日兩科= =!

不過多數都係玩ge多....都無心機溫,唔知係未考完電腦so....

之後考聖經又要移出去...so悶...聖經發覺同測驗差唔多,

不過都幾多唔識下= =!!!!傻左了,,,,是非差唔多全部都豬上去...

之後真係好長時間好鬼悶...都唔知有乜野好做好......

呢堂完左....成班好似傻哂咁...好似考完哂試咁...

超顛....調位先係一個星期....已經融合的這麼柔和了....

適應能力我地班真係好鬼勁...不過我都係訓左一堂...

第二堂都好似訓下咁就過左...完左佢地捉住阿sir黎影相,

之後阿sir話一齊影,成堆人圍哂過去,不過攪錯野= =!!!!

之後幫初三那個溫完習又要幫過初一ge= ="!玩me???

初一條友係咁話我識做只係唔識變...我唯有答你係....

但係你真係全部都唔識做= ="!只係我講唔出口..見到你咁落力咁做....

係咁出d 5x+6y=7叫佢將佢移剩返個x或者y係一邊都唔懂的...

佢話佢識做只係唔識做呢步= =!!!佩服的很....

完左夜晚返屋企先係最攪笑....八點幾個陣...

無端端『彭』『彭』『彭』超大聲ge三聲....

之後阿爸話著鞋走佬...著完鞋個個都住戶都企哂係門口度,

又無電梯,走廊又無人,入返房睇下,時間相差唔夠一分鐘,

係個窗望落去,已經有三架消防車加架救護車係度= ="!

呢獲點走佬....跟住出返去睇下點情況,過左陣有電梯到,

因為家姐趕時間,我老豆就入左去,叫我家去入去,

我就無理到佢= ="!兩條友真係搭電梯...想死呀,,

嚇都唔好嚇我啦!一路望住電梯個數字,

每落一層就驚多一下!好彩最終都無事,感謝神!

之後佢地咁樣就氹底左我自己一個係屋度,

打電話返黎,話無事叫我搭電梯,可惜電梯已經不再開,

停留左係地下就唔再上返黎= =!怎麼辦才好.....

之後又係出面,聽個d金魚佬係度講邊層邊層做乜鬼咁,

不過發覺d金魚佬叔叔真係幾吹得,亂吹都真係幾勁秋,

最衰我屋企個金魚佬頭先走左佬,唔係佢實吹得好鬼勁,

跟住有個差佬上左黎睇下乜料咁樣,淨係知佢企係度,

都唔知有乜用= ="!淨係想表現比我知,

我係地下上到黎呢度架,下面到呢度一d事都無,大家唔洗驚下= ="!

之後有條友係上面個幾層落左黎,話十七樓落黎我十一樓呢層,

d金魚佬叔叔之後可以吹到落黎果個野係十五樓落黎= =!

咁到底邊度有事呢??入過房多次,望返落去,有廿幾三十個人係樓下度,

d水喉都插好哂,淨係未見d雲梯出黎帶走我= =!

之後又係間屋同門口走黎走去睇下情況,

係電梯度停留左陣,走火門開左少少,有煙味聞到,

唔係掛= =!我仲有野要做架喎.....點可以咁樣架....

之後我唯有走返入間屋企,準備d雲梯黎帶我離開這個地方...

點不知過多陣又無乜事咁樣,之後又傳出話九樓個度有個單位裝修中,

擺左d野係走火通道度,又唔知點樣燒著左,攪到入面有d唔知乜鬼野,

就『彭』『彭』『彭』三聲發出,不過走火通道黑到乜咁,佢地講,

最終都係無事...結果都係嘗試不到雲梯的滋味兒......

又繼續的入房開電腦上網.....

原來我的心中....竟會出現激動卻帶著膽怯的心.......

而且從前的我....亦曾經體會過這不好受的滋味.......

或者將來的我....亦會再次觸動這不好受的滋味.......