9月4號朝早五點幾要起身,因為阿媽返中更,

所以攪到咁早,整好哂,六點半出發,原本早d,等車太遲= ="!

之後,坐車出到彿岡縣,之後就搭巴士去廣州,再轉車珠海,

都成十二點幾= =!幸苦.....

反到黎三點同佢地出大陸,難得咁耐無見大家,

薯倫請打機,都幾過引咁同傑玩左場個d乜野,又槍game個d,

可惜槍game本人太水,haha!無計,打機不嬲唔係我強行

又再次去飲野,今日出大陸就好似係為左食飯跟住打陣機再飲野....

返到去...食埋飯,,,去打波,,,最後了....

果個場,爆唔到,發覺都差成五cm左右...

或者真係免強緊自己雙腳,因為一直都係好無力ge狀態

仲有機會,實去多次...發覺次次打波都係咁,

休息左幾日,會發覓控波會控得好左,

而且仲好似發揮會好d= ="!打完關門去青,

又爽左一大輪,再去買水,又再爽,

不過人數好似比以前少左,唉!

臨走前仲要被插,痛死我了.....

不過,,,,爽就好爽,,下年要再爽!!!,

 好耐都無見爺爺痳痳,歲月不留人,

真係好似佢地咁講,死個陣都唔知見唔見到,

唉!返鄉下個幾日算係最輕鬆啦,乜都唔洗做,

唔係食就瞓,再黎就坐加玩,

不過年年返到黎都會唸返起細細個係鄉下ge事,

以前返鄉下,新年個陣基本上大把野玩,

係唔會有一分鐘停低係度,又去阿婆個邊,又有人過黎哩邊,

又多餸食,又多野玩,真係好正,回味也是一種滋味...

以前暑假返鄉下,雖無新年咁好玩,

但都唔錯,個陣會玩弓箭,行係d田邊,射青蛙,

準唔準?二中一,大唔大隻?我隻手指公啦,

除左青蛙,仲可以射雀= =!對,係樹上,

你射射得中ge話,唔中ge話支箭都無埋,

睇你有無信心,另一樣同箭差唔多,不過基本上係黎射雀,

丫叉,記得個陣,大家都係大家ge天台鬥射= =!真正三國戰,

射中痛死你= ="!個之射中玻璃= ="!無碎到,

但差唔多串左個孔= =!裂開左...如果真係射中左...會點....

因為中玻璃事件,那個遊戲唔比玩= ="!

仲有就係去四九鎮玩桌球,哩個,睇落好好玩,

但係輸左要係一分鐘食哂一條雪條,我鄉下個d雪條,

等於糖水結冰超硬= ="!你可唔可以一分鐘食哂佢= =!

到左依家,返到佢,好多都返哂工,依家,

有兩個豆丁,一個兩歲幾,一個未夠一歲,

係咁教佢叫叔叔= ="!好似好鬼老咁,唉....

不過哩兩個豆丁,唔知可以講乜好,同父異母= ="!

真係唔知講乜好...最尾個日,都幾正斗,

係鄉下要擺酒= ="!叫左好少人黎,

讀大學= ="!唔洗啦掛...痳痳就係咁,

點都要擺,少人都要= ="!咁加加埋埋都有成廿個左右= ="!

係度開左三張枱,哩個場面,係鄉下我都好少見啦,

能夠開到三場枱食飯,因為都係以前細個新年返鄉下先有,

搵一日叫哂個d人入黎,可以開到六七圍= ="!

真係幾惡....係哩日仲做左d野,就係拜神,

就好似新年拜個d咁,村入面邊d要ge,就要去...

燒炮張,又插香,乜都做哂,心入面唸緊,

主耶穌!你唔會嬲架可?好似好可笑咁...

因為痳痳爺爺所要我做ge野,我係無可能唔做,

因為佢地係最錫我ge人...最後一道燒炮張個度= ="!

真係好乜...一串大野...點著左,走到成五六米咁遠,

咁你都彈到我...燒完仲要拜兩拜,望住周圍,d炮張碎= ="!

無辦法唔o....結張到,滿哂係個廳道= ="!

希望下年都仲有機會返去啦~!!!

 我只係問你羅身份証黎影印...又係咁係度話....

依家幾多號呀...剩返幾多日呀....

乜野都要咁遲先黎攪....

哩排你有做過d乜呀....

我叫你做個d野...你又做左幾多呀....

你依家仲好細咩....乜都仲要人幫你做呀.....

佢入左去沖涼....都仲係咁係度講.....

頂佢唔順...己經.........唯有出去....

反正都要印影.....一山門....發覺唔記得羅鎖匙....

頂....係未咁準呀...好鬼火...真係.....

影完印.....漫無目的咁樣....係度行黎行去.....

行完一間又一間ge超市....可以做乜好....

係樓下....睇緊家姐同阿哥ge電單車係唔係度....

廢事上到佢得佢一個又係度嘈....但係...都係未返....

又漫無目的咁係度行黎行去.....行左陣...都係返去吧....

反正唔知有乜好做....係問口...禁鐘....禁左好多次囉....

但係我一d都唔火囉...而且好似個天叫我唔返黎咁....

因為係個門鐘無響過....係個鐘爛要我唔返黎炸ma...

又唔關我事......所以....禁左幾次....我又漫目無的咁係條街度.....

行過籃球場....見到射緊波炸喎...所以....就去玩左陣.....

唔想開場...但係籃球場d人最想做乜呀.....無奈....

玩左三四場就出汗....見到六點幾啦...都想返去了....

但係....又見到自己成身濕哂....家姐阿哥部電單車又唔係度....

咁咪即係返到去等被佢罵....so....入左去駿青....

原因....夠近屋企而且又可以坐低睇下人打波....

咁樣一坐...竟然可以坐成半粒鐘......

七點lu....都望下d電單車...都係無....but....

都廢事睇啦....罵就罵啦...反正....

我做乜係你心目中都唔會係正確的......