今日12點番到屋企就訓教教
訓到4點幾先醒
當時,我都仲未知我會有咁既奇遇.....

話說下午5點45分個陣, 好似平時咁陪我細佬落公園一個鍾~
同小魚姐傾左陣電話之後~就梗係打俾我既親親臭樹啦XD
過左半個鍾, 當我細佬話要番屋企個陣...我行下行下,覺得怪怪地
轉身一望, 一隻燕子張開一雙幼小的翅膀, 暈到在地

我, 細佬同細妹都大吃一驚, 立刻走到那燕子的附近
原來佢無暈到~不過好奇怪
佢成口都係白蟻, 煜都唔煜
我地對佢既圍觀亦吸引左一位太太同佢個女
佢一見到點下隻燕子, 之後仲幫佢將口中大部份既白蟻整出黎

雖然燕子的表情無咁痛苦, 但仍然死氣沉沉
(佢個陣既表情真係好可憐, 如果唔係驚整親佢, 我會抱起佢><)
我將我水樽入面既食水倒係佢個咀附近(佢個頭放左係地板之間既間隙)
水一流到佢既口附近, 佢即刻大口大口咁吸水

飲左水之後, 佢既精神好左好多
但唔知點解佢唔飛
個位太太走左之後, 黎左2個小五既學生
佢地唔知係邊度汁左個小雀巢番黎, 將燕子放入去
我地又餵佢飲左幾啖水(用我個水樽蓋)
個2個人就將佢交左俾管理員
而我地就番左屋企

p.s.今日開始我對燕子更加有好感><
因為佢地會吃我最驚既蟲
加上, 個隻燕子既表情令我既母愛泛濫
唔好問我點解唔驚H5N1呀(咁樣只會凸出你既愚蠢)
燕子唔係候鳥, 就梗係唔會有啦