琴日係1C班既最後一日，

返到學校就入左禮堂坐，

聽嗰個結業禮，

坐左個幾兩個鐘，

個屎忽就開始痛啦，

跟住我就係咁恰眼訓，仲滴左滴口水添T^T~~~

之後過左個小息，

Miss Suen同我講成績表，

全級47，琳琳46，

入左2c班XD

最後Miss Suen就同我地全班影張大合照，就放學喇！

今日派卷，

對咗3科，分別係中史，English同埋宗教倫理，

而家報分數，

中史(62)分，進步左十幾分，

ENG(80)分，退步左2.5分，

宗教倫理(37)分，進步左幾分，

成績都ok啦，

到而家為止都冇5字頭，

雖然有人啲成績高過我，但係尼種成績對我嚟講已經好滿意啦！

尋晚11:30左右，

訓左係張床到，點訓都訓唔著，

跟住呀媽就無啦啦入嚟我間房到，

睇下我訓左未，訓左就識冷氣，

好釆佢入左嚟炸，如果唔係，我同我個妹就死得啦！

因為呀媽一入嚟就見到隻野，小強......

隻野係我張上格床既福牆既角落到，嚇親呀！即刻叫！

跟住呀媽攞拖鞋拍死左佢，好大隻呀，係第一次有隻野係我間房到！

最後我呀媽格住個手套攞住隻野，放左落屎坑，沖走左！

呼！鬆曬！

今日係考試既最係一日，終於考完啦！

考緊試尼幾日，都冇開過電腦，

日日都係到溫習，

話明係期終考試嘛，緊係要努力啲啦，

考完啦，今日一定要開著部電腦煲粥煲到夠!!!!XD

之前同施may同教會去香港大學既相終於出咗啦，估唔到有幾張係King 姐靜計計影返嚟假囉，好衰呀！

好啦，以下有幾張相，大家估下施may係邊，佢因為唔想影相所以呢埋咗呀^__^haha~~~~

 尼張...你用下腦就估到架啦XD 尼張....好明顯啦haha~~~ 尼張....找到我話你勁，開頭我都找唔倒！

施may都要估！提示:施may係著人字拖.....