好耐好耐好耐好耐好耐冇打啦~[可能係暑假玩到癲鬼左啦]
不過近來最高興都係一家大細去左珠海玩!!!!!!!
今次超方便...因為阿叔佢地租左部車..等我地一行13人唔使自己去搭交通工具!!
個兩日分別去左[夢幻水城]&[珍珠樂園]!!!!!!!!!!!!!!!!!!!!!!!!
今次可以話係大突破...因為以前既我唔會一日之內玩幾個有離心力既game
今個暑假我成功左啦~~我唔再驚離心力...仲可以玩完再玩!!![琬煒!!下次去海洋公園...你死梗啦~]
不過同大家講下...{珍珠樂園}超無聊....
雖然係唔使點排隊...不過個到得幾個刺激既game..比較識合4-11歲小朋友去玩..
可能係咁既原因我姑姐佢地就帶晴晴[我堂妹]&Kate[我表妹]去玩d佢地岩玩既野
而我就當然同我個唔驚死既Daddy&媽&哥去挑戰一下...點知都唔係幾刺激..[環球嘉年華仲好過佢!!!]
而[夢幻水城]都ok好玩都係玩左幾個刺激既game...但美中不足既係..媽媽隻手鐲除唔到好多野都唔可以玩!!
最好笑就係睇住我阿哥一路海豚音一路係條有離心力既滑梯到[蛇]落黎...
係珠海既一段小插曲..第一日既時候..我地去左hotel到check in先..
放低d野就去[夢幻水城]到...因為我地比想玩多d野...所以就遲姑姐佢地少少走
走個陣佢地就開車黎接我地去食海鮮...本身都好地地..
但去左個間酒樓之後...敏怡[我表妹]竟然黎個肚仔痛!!!!
真係嚇親我地咁多個人...個到又冇藥賣...睇佢個樣又好似好痛咁喎...
我仲曾經驚要即日番香港帶佢睇醫生...跟住食完餐飯就好d..
返到酒店佢就生猛番哂!!佢仲可以串我添!!!
有樣野真係好想講~經過e次旅行..我發現其實我Daddy真係唔係好差姐~
可能係平時我地又無意中激親佢...又或者係佢唔識得去表達...
再加上佢都無咩時間同我地傾計...去了解我地!!!!
但係佢同我地玩既時候都會好開心..我今次有特別留意佢既表情同語氣
其實佢唔係只係識得鬧人...佢係識得笑嫁!!!係個兩日我都成日見到佢笑
仲會同我地係到講笑...同佢打羽毛球既時候佢都會成日笑!!!!^^
不過e+愈來愈少時間見到佢啦...好似近排咁佢日日都要開夜
而家都3點幾..佢唔係係屋企訓覺..而係開緊工...
朝早11點幾起身佢就出左去同人傾公事既野...
唉...真係要好好珍惜...希望老豆你唔好捱病!!!!
我係新既學年一定要努力讀書...比d成績我Daddy睇!!!
比d成績我屋企人睇!!!比d成績對我有期望既人睇!!!!!
仲有就係..希望係新既一年我可以繼續搞好d人際關係啦~~
希望一年又一年咁長大落去...可以做到個理想既好人、好學生啦!!!!
星期二個日練波我發現我同Mary姐之間真係有種好奇妙既默契!!!同阿Yan都有唔錯既默契!!
希望同係你地Best Friend Forever 啦~
好期待...唔知去到邊班..同邊個一班呢?!我真係好想同Mary姐&阿Yan一班!!!
|
